Vil du setja spor i landskapet? Me søkjer rådgjevar innan arealplan og landbruk!

På eininga Forvaltning innan Samfunnsutvikling og drift er det no ledig ei rådgjevarstilling. Eininga har seks tilsette, og har ansvaret for sakshandsaming hovudsakeleg innanfor fagfelta plan, byggjesak, kart og oppmåling, natur og miljø, forureining og landbruk. Me sel også tenester til Austevoll kommune innanfor landbruk og miljø.

Den ledige rådgjevarstillinga vil i hovudsak vera knytt til arealplan, men vil og visse typar landbrukssaker.

Fast kontorstad for stillinga er Fitjar rådhus. Stillinga krev litt reising i Fitjar og Austevoll i samband med synfaringar og møte. Administrasjonsmålet er nynorsk.

Arbeidsoppgåver:
• Handsaming av private reguleringsplanforslag, både tekstdel og kartdel
• Arbeid med kommuneplanen sin arealdel i samarbeid med kommunalsjef
• Digitalisering av gamle reguleringsplanar
• Ajourføring av planregisteret
• Matrikkelføring, t.d. adresser
• Handsaming av visse typar landbrukssaker, slik som: Konsesjonssaker,

Saker etter jordlova, Nydyrkingssaker og Bakkeplaneringssaker
• Høyringsuttaler, spesielt knytt til byggje- og plansaker
• Rettleiing og kontakt med publikum og næringsliv
• Markslagsvurderingar og føring av landbrukskartbasen AR5 kan verta aktuelt
• Utarbeiding av mindre offentlege reguleringsplanar kan verta aktuelt

Fitjar kommune er ein liten organisasjon, og den som vert tilsett må rekna med å ta del i andre saker på eininga. Me forsøker å fordela arbeidsoppgåvene mellom dei tilsette etter interesse og kvalifikasjonar.

Kvalifikasjonar for stillinga:
• Relevant høgare utdanning, fortrinnsvis fysisk planlegging, men andre fagretningar slik som t.d. eigedomsfag, geografifag, jus eller liknande vil og kunna vera aktuelle.
• Kjennskap til aktuelt regelverk for plansaker er ein føremon.
• Manglande utdanning kan i særskilte tilfelle kompenserast med relevant arbeidserfaring.
• Erfaring med digitale kartverktøy er ein føremon.
• Kjennskap til offentleg forvaltning er ein føremon.
• Vilje og evne til å læra seg dei delane av faget du ikkje har kjennskap til frå før.
• Gode samarbeids- og kommunikasjonsevner skriftleg og munnleg.
• Førarkort i klasse B og eigen bil

Personlege eigenskapar som er naudsynte for stillinga vil verta vektlagde.

Me kan tilby
• Spennande og meiningsfylte arbeidsoppgåver innanfor eit viktig samfunnsområde.
• Godt arbeidsmiljø med engasjerte medarbeidarar.
• God offentleg pensjonsordning.
• Stilling i ei inkluderande arbeidslivsverksemd (IA-verksemd).

Dersom søkjar ynskjer å verta unnateke frå offentleg søkjarliste, lyt det spesifiserast i søknaden og grunngjevast. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

For nærare informasjon om stillinga, ta kontakt med kommunalsjef for Samfunnsutvikling og drift, Louise Pettersen, tlf. 415 77 063.