Vil du jobbe med drift av energianlegg -- og vere med å sikre stabil og framtidsretta infrastruktur i regionen?

Hordaland Bioenergi AS utviklar, byggjer og driftar energianlegg og tilhøyrande infrastruktur.

Vi leverer stabil og miljøvenleg energi til kundar i regionen, og arbeider kontinuerleg med å vidareutvikle løysingar for framtidas energibehov.

Selskapet inngår i Voss Energi-konsernet, og gir ein trygg arbeidsplass med lokal forankring og eit større fagmiljø i ryggen.

No søkjer vi ein driftsoperatør som vil få ei viktig rolle i den daglege drifta og vidare utviklinga av anlegga våre.

Kva går jobben ut på?
Du vil ha ansvar for å sikre stabil drift av anlegga våre -- frå dagleg oppfølging til feilsøking og vidare utvikling.

Arbeidsoppgåvene omfattar mellom anna:
• Drift og tilsyn av energianlegg
• Feilsøking og utbetring av tekniske problem
• Planlegging og gjennomføring av vedlikehald
• Oppfølging av brensel og innsatsfaktorar
• Overvaking og analyse av driftsdata
• Bidra til optimalisering av drift og energiproduksjon
• Kundekontakt knytt til anlegg og leveransar
• Aktiv deltaking i HMS-arbeid

Kven ser vi etter?
Nokon som har nokre av desse kunnskapane:
• Fagbrev eller relevant erfaring innan elektro, automasjon, mekaniske fag eller tilsvarande
• Erfaring frå drift av tekniske anlegg
• Interesse for styring, automasjon og dataverktøy
• Evne til å jobbe sjølvstendig og strukturert
• Gode samarbeidsevner og ein praktisk tilnærming til problemløysing
• Gode norsk- og engelskkunnskapar
• Førarkort klasse B
• Gjerne erfaring med bruk av hjullastar

Kvifor jobbe hos oss?
• Du får ein viktig rolle i drift av kritisk lokal infrastruktur
• Du jobbar tett på konkrete anlegg og resultat
• Du blir del av eit lite og kompetent fagmiljø
• Du får moglegheit til å påverke og utvikle drifta vidare
• Ein fleksibel arbeidskvardag der du i stor grad styrer eigen dag
• Du får tryggleik gjennom eit solid konsern
• Konkurransedyktige vilkår

Praktisk informasjon
Arbeidsstad: Voss / region Oppstart: Etter avtale

Det må påreknast deltaking i vaktordning.

Søknad
Send kortfatta søknad og CV til post@hbio.no

Har du spørsmål om stillinga, ta gjerne kontakt.