Vil du arbeide saman med oss for å gi barn ein god oppvekst i Sula kommune?Sula kommune søker ein tydeleg, fagleg sterk og erfaren styrar for Langevåg barnehage, med solid kompetanse.
I Sula kommune har vi barnehagar av høg kvalitet, og Langevåg barnehage er ein av desse.
I denne barnehagen blir ein møtt med omsorg, tryggheit. Barnehagen er oppteken av tid til tilknyting, at vi bygger relasjonar og legg til rette for å gje barna god tid til å kvile når dei ønsker det.
​​​Barnehagen er ein kommunal 6 avdelingsbarnehage som ligg fint til i sentrum av Langevåg, nær skogen, fjellet og fjøra. I barnehagen er vi opptatt av å samarbeide på tvers av avdelingane, og vi har felles prosjekt, fellessamlingar og arrangement.
Som leiar får du ein gjeng motiverte medarbeidarar med på laget ditt. Du er med i leiargruppa i kommunalområde oppvekst, samt at du vert ein del av kommunedirektøren  si mellomleiargruppe. I tillegg får du bidra til tverrfagleg utvikling gjennom metaforen «Læringseisa» og hovudsatsinga vår som er «Barn som meistrar». Ulike utviklingsprosjekt og utdanningsdirektoratet sine kollektive kompetanseordningar og internasjonalt utdanningsarbeid gjennom Erasmus+ er område vi arbeider saman med felles mål og retning. 
Sula kommune har ein organisasjonsstrategi som skal bidra til at vi nyttar vår samla kompetanse til å nå kommunen sine mål, som er å levere gode og berekraftige tenester til innbyggarane. Leiarane går føre og viser veg, og skal vere med å støtte opp om kommunen sin felles visjon – Vilje til å lykkast saman.
Langevåg barnehage ønsker å ha deg som vil vere med å bidra til endring og utvikling av barnehagen, med på laget.

Visjonen til barnehagen Leik, læring og gode venner Les gjerne meir om oss på heimesida vår Langevåg barnehage - Sula kommune https://www.sula.kommune.no/tenester/oppvekst-og-utdanning/barnehage/barnehagar-i-sula-kommune/langevag-barnehage/

 
Stillinga er ledig frå 01.09.2026

 

Arbeidsoppgåver
• Fagleg, personal- og driftsansvar for Langevåg barnehage
• Leie og vidareutvikle barnehagen i tråd med lovverk, nasjonale føringar og politiske vedtak
• Fagleg ansvar for kvalitet, retning og pedagogisk utvikling
• Tverrfagleg samarbeid med andre einingar og avdelingar i kommunen
• Utvikling av barnehagen i tråd med nasjonale og lokale føringar inkludert internasjonalt utdanningssamarbeid

Kvalifikasjonar
• Godkjent 3- årig høgskuleutdanning som gir barnehagefagleg og pedagogisk kompetanse
• Styrarutdanning/leiarutdanning. Relevant leiarerfaring kan også verte vurdert
• God arbeidskapasitet og gjennomføringsevne
• Kunne arbeide sjølvstendig, systematisk og målretta
• God digital kompetanse og erfaring med relevante fagsystem
• God økonomisk kompetanse og forståing
• Gode norsk kunnskaper, både skrifleg og munnleg framstilling. Tenestemål i Sula kommune er nynorsk
• Gyldig politiattest nyar enn 3 mnd, må leggast fram før oppstart i stillinga

Personlege eigenskapar

Vi søker etter ein leiar som:• er tydeleg, trygg og inkluderande
• er løysingsorientert, nytenkande og utviklingsorientert
• har høg fagleg integritet og god rolleforståing
• er strukturert og systematisk i arbeid med å oppnå gode resultat
• identifiserer deg med kommunen og barnehagen sin visjon og verdiar
• har gode samarbeidsevner og kommunikasjonsevner
• evne til å handtere kompleksitet og høgt arbeidspress
• har evne til å ivareta og vidareutvikle barnehagen sin kultur og sitt leike- og læringsmiljø

Personlege eigenskapar vil bli vektlagt.

Vi tilbyr
• engasjerte og dyktige kollegaer i eit godt arbeidsfellesskap
• godt samarbeid mellom leiarane i barnehagane og tverrfaglege samarbeidspartar
• gode pensjons- og forsikringsordningar
• løn etter avtale

Kontaktinformasjon

Ragnhild Hanken Skjong, Kommunalsjef, 99738686, ragnhild.hanken.skjong@sula.kommune.no

Arbeidsstad

Molværsvegen 62

6030 Langevåg

Nøkkelinformasjon:

Arbeidsgivar: Sula kommune

Referansenr.: 5127590714

Stillingsprosent: 100%

Fast

Søknadsfrist: 14.06.2026