Vil du ha ein variert og meiningsfull arbeidskvardag der du får hjelpe folk til å meistre livet heime? Skjåk kommune søkjer ein engasjert medarbeidar til ei kombinert stilling innan praktisk bistand/heimehjelp og heimesjukepleie -- med nær kontakt med menneske og moglegheit til å gjere ein forskjell kvar dag.

Skjåk kommune har ledig ei 70 % stilling innan praktisk bistand/heimehjelp.

Stillinga er delt mellom praktisk bistand/heimehjelp og heimesjukepleia, med arbeid kvar tredje helg i heimesjukepleia.

Arbeidsområde

Du vil utføre oppgåver i tråd med vedtak for heimebuande brukarar. Dette inneber mellom anna hjelp til daglege gjeremål som reingjering, klesvask og sengeskift.

Arbeidet som heimehjelp skjer på dagtid og kan vere fysisk krevjande. Arbeid i helg omfattar vakter laurdag og søndag, både dag og kveld.

Kvalifikasjonar
• Det er ynskje om fagbrev som helsefagarbeidar, men relevant erfaring innan praktisk bistand/ heimehjelp kan erstatte utdanningskravet.
• Førarkort klasse B.
• Godkjent politiattest.

Vi vektlegg
• erfaring frå liknande arbeid.
• fleksibilitet i høve til omstillingar.
• evne til å arbeide sjølvstendig.
• gode samarbeidsevner.
• god norskkunnskap, kommunen har nynorsk som administrasjonsspråk.
• generell forståing for bruk av meistringsteknologi.

Vi tilbyr
• tilsetting på kommunale vilkår med løn etter avtale.
• pensjonsordning i KLP.

Spørsmål kan rettast til Ingvild Mork mobil 489 97 924.

Søknadsfrist 17.06.2026

Elektronisk søknadsskjema
Søkjarlista vil bli offentleggjort. Skjåk kommune praktiserer meiropenheit ved tilsetjingar. Dersom du ønskjer unntak frå offentlegheit, må dette grunngjevast særskilt.

Vil du vite meir om Skjåk?

Les meir om bygda og barnehagane våre på: Skjåk kommune

Tilflyttarkonsulenten vår kan vere til støtte når du skal finne eigna bustad, gje deg nyttig og nødvendig informasjon, og ikkje minst hjelpe deg med å finne din plass i Skjåk. Ta kontakt med Heidrun Israelsen, prosjektleiar for Sats på Skjåk - tlf. 99427902.

Meir informasjon om å livet i bygda finn du på nettstaden www.skjak.no.

Sletting av studielån

Visste du at når du er busett i Skjåk, samt er yrkesaktiv i eller utanfor kommunen - da kan du få sletta 25 000 kroner av studielånet ditt kvart år?

Les meir om Sletting av gjeld i utvalgte kommuner