Vi søkjer etter ein helsefagarbeidar i 100% vikariat, for tida ved Indre Haram heimeteneste, som er lokalisert på Eidet omsorgssenter. Andre fagarbeidarar med relevant erfaring eller utdanning kan også søkje. Stillinga er for tida i turnus, med arbeid på dag/kveld og kvar 3. helg. Dette er ei andregongsutlysing. 

Kommunalområde Helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode, målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Vår viktigaste ressurs er våre tilsette og vi ynskjer å vere ein arbeidsplass der ein opplev trivsel, utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Haram omsorgstenester består av Eidet- og Haram omsorgssenter, Ytre-, Indre- og Nordøyane heimetenstedistrikt og tre dagsenter for eldre. I tillegg har verksemda ansvar for nokre av kommunen sine BPA ordningar. Vi er opptekne av å skape eit godt arbeidsmiljø i avdelingane våre, fokusere på fag og gi gode tenester til tenestemottakarane. 

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Arbeidsoppgåver
• Ivareta oppgåver knytt til stillinga som helsefagarbeidar/fagarbeidar.
• Pleie og omsorg til brukarar.
• Rettleiing og opplæring av medarbeidarar og elevar/lærlingar/studentar.
• Ivareta dokumentasjonsplikta og ha fokus på fagutvikling.
• Bidra til å realisere kommunen og eininga sine visjonar, mål og planar.
• Bidra til eit godt samarbeid mellom brukar og pårørande.
• Bidra til eit godt arbeidsmiljø.

Kvalifikasjonar
• Offentleg godkjent helsefagarbeidar. Det er åpna for at andre fagarbeidarar med relevant erfaring eller utdanning kan søkje også.
• Førarkort klasse B.
• Gode norskkunnskapar munnleg og skriftleg.
• Tilstrekkeleg IT-kompetanse til å kunne arbeide i journalsystem med pasientoppfølging.
• Krav om politiattest som ikkje er eldre enn 3 mnd.
• Personlege eigenskapar vert vektlagt.

Personlege eigenskapar
• Du har gode kommunikasjons- og samarbeidsevner.
• Du må vere oppteken av fag og framtid.
• Du må vere løysingsorientert og engasjert.
• Du må kunne rettleie kollegaer og elevar/lærlingar/studentar.
• Du har gode evne til å arbeide sjølvstendig i pasientoppfølging og i dialog med pasient/pårørande.
• Du har gode evne til å følgje oppgitte mål for kvar enkelt pasient, og er oppteken av å gjere pasienten mest mogleg sjølvstendig.
• Du må kunne bidra til eit godt arbeidsmiljø.
• Du har godt humør og ei positiv framtoning.
• Du er lojal mot arbeidsplass og kollegaer, og eigenskapar til å bidra til eit godt omdømme.
• Du ønskjer å arbeide etter omsorgstrappa, og er oppteken av at pasientar får rett tilbod på rett plass.

Vi tilbyr
• Ein spennande arbeidsplass med base på Eidet omsorgssenter.
• Eit godt fagmiljø og god kollegastøtte.
• Vi har stort fokus på teknologi og alternative måtar å arbeide på.
• Løn etter tariff.    

Kontaktinformasjon

Tone Elise Austnes, Avdelingsleiar, 47684062, tone.elise.austnes@haram.kommune.no

Ingrid Beate Mathisen, Tenesteleiar, 90751954, ingrid.beate.mathisen@haram.kommune.no

Arbeidsstad

Trolldalssletta 12

6264 Tennfjord

Nøkkelinformasjon:

Arbeidsgivar: Haram kommune

Referansenr.: 5031810105

Stillingsprosent: 100%

Vikar

Startdato: 01.12.2025

Sluttdato: 23.08.2026

Søknadsfrist: 04.11.2025