Øystre Slidre kommune søkjer ein engasjert og handlekraftig driftsleiar for veg, vatn og avløp (VVA). Som driftsleiar får du ei sentral rolle i arbeidet med å sikre trygge og framtidsretta tenester innan veg, vatn og avløp for innbyggjarar, næringsliv og tilreisande.

Stillinga høyrer til avdelinga for teknisk drift, som har ansvar for kommunale vegar, vatn- og avløpsanlegg, samt forvaltning, drift og vedlikehald av kommunal eigedom. Du vil ha ansvar for planlegging, koordinering og vidareutvikling av tenestene innan VVA-området, og vere ein viktig bidragsytar i utviklinga av den tekniske infrastrukturen i kommunen.

I åra som kjem, står kommunen framfor fleire spennande utviklings- og investeringsprosjekt innan vatn, avløp og samferdsel. Som driftsleiar får du høve til å påverke både den daglege drifta og den langsiktige utviklinga av viktige samfunnsfunksjonar.

Arbeidsoppgåver

Som driftsleiar har du ansvar for planlegging, koordinering og oppfølging av den daglege drifta innan veg, vatn og avløp. Du vil leie dyktige medarbeidarar og samarbeide tett med innbyggjarar, entreprenørar, rådgjevarar og andre offentlege styresmakter. Som driftsleiar vil du vere ein del av prosjektgruppa som har ansvar for utvikling, planlegging og gjennomføring av både små og store investerings- og byggeprosjekt.
• Planlegging, koordinering og oppfølging av drift og vedlikehald av kommunale vegar, vassverk, leidningsnett, pumpestasjonar og avløpsanlegg.
• Personalansvar for tilsette innan fagområdet.
• Rapporteringsansvar overfor Mattilsynet, Miljødirektoratet og andre relevante styresmakter.
• Utarbeiding av arbeidsrutinar, beredskapsplanar og risikoanalysar.
• Ansvar for attestering av fakturaer og oppfølging av driftsøkonomien innan eige fagområde.
• Saksbehandling ved behov.
• Deltaking i vaktordning kan vere aktuelt.

Kvalifikasjonar

Vi søkjer deg som har relevant utdanning og kompetanse, fortrinnsvis innan vatn og avløp (VA). Du bør ha grunnleggjande forståing for anleggs- og prosess, og oppfylle fleire av desse kvalifikasjonane:
• Relevant fagbrev innan anlegg, bygg, elektro, røyrfag eller tilsvarande.
• Bestått driftsoperatørkurs og minimum to års praksis som driftsoperatør innan vatn og avløp.
• Høgare utdanning og praktisk erfaring frå VA-bransjen kan erstatte krava i punkt 1 og 2.
• God kunnskap om leidningsnett, leidningsmateriale og tilhøyrande utstyr.
• God skriftleg og munnleg framstillingsevne på norsk.
• Gode samarbeids- og kommunikasjonsevner.
• Gode digitale ferdigheiter.
• Førarkort klasse B.



Vi ser gjerne at du:• Har leiarerfaring.
• Har god gjennomføringsevne og evne til å prioritere.
• Arbeider strukturert og systematisk.
• Er løysingsorientert og beslutningsdyktig.
• Trivst med ein variert arbeidskvardag og mange kontaktflater.
• Har anna relevant fagkompetanse, til dømes ADK1.
• Har kunnskap om kommunal forvaltning og offentleg saksbehandling.

Vi tilbyr
• Utfordrande stilling i ein kommune i stor utvikling
• Godt arbeidsmiljø
• Positive og flinke medarbeidarar
• Gode pensjons- og forsikringsordningar

Kontaktinformasjon

Halvor Eggen Pettersen, Tenesteleiar, +47 92856057

Arbeidsstad

Bygdinvegen 1989

2940 HEGGENES

Nøkkelinformasjon:

Arbeidsgivar: Øystre Slidre kommune

Referansenr.: 5152957746

Stillingsprosent: 100%

Fast

Søknadsfrist: 09.08.2026