Se under for stillingsutlysning på norsk
Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus vejolašvuohta doalvut Sámedikki min višuvnna guvlui Ovttas nannet Sámi.
 
Ráđđeaddi – Seniorráđđeaddi
Virggi birra
Sámedikkis lea rabas virgi arkeologan Sámi kulturbiras juhkosis. Juhkosis leat sulla 15 bargi geain lea hui beroštupmi kulturmuittu suodjalusbarggus olles Sámis, sihke arkeologiijas, gaskkusteamis ja huksenárbbi suodjaleamis. Virggis lea guovddášsuorggi lullisámi guovlluin.
Sámedikkis leat máŋga kántorbáikki muhto dát virggi lea gullevaš Snoasaii, eará kántorbáikkit sáhttet boahtit árvvoštallamii . Juste dál leat mis guoros kántorlanjat Kárášjogas, Guovdageainnus, Vuonnabađas, , Aarbortes, Skániin, ja Ájluovttas Sámedikki bargit fertejit rehkenastit veahá mátkkoštit.
 
Barggut
Arkeologan / ráđđeaddin / seniorráđđeaddin de leat dus čuovvovaš barggut:• Áššemeannudeapmi kulturmuitolága ja plánen- ja huksenlága mielde
• Registreret sámi kulturmuittuid ja digitála dokumenteren, ja maiddái raporttaid čállit
• Oktavuohta gielddaiguin, doaibmabiddjiiguin ja eará olgguldas berošteddjiiguin kulturmuitohálddašeamis.
• Bidjat dieđuid kulturmuittuid birra Askeladden- kulturmuitodiehtovuođui
• Jotkkolaš hálddašanbarggut čadnon arkeologalaš kulturmuittuide. 

 
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
 
Gelbbolašvuohta
Gáibádusat: • Mastergráda arkeologiijas
• Máhttu kulturmuittuid registreremis
• Buorre čálalaš ja njálmmálaš ovdanbuktinnávccat dárogillii
• B Vuodjinkoarta  

Lea sávahahtti ahte don:• Máhttu sámi arkeologiijas ja sámi kulturmuittuid registreremis
• Máhttu sámi servodaga birra ja sámegielmáhttu
• Máhttu kulturmuittuid registreremis
• Gelbbolašvuohta ja hárjáneapmi kulturmuitodiehtovuođu Askeladden geavaheamis
• Vásáhus kulturmuitohálddašeamis. Museabargovásáhus sáhttá maiddái árvvoštallojuvvot

 
Persovnnalaš iešvuođat: 
Mii ohcat bargi gii lea áŋgir ja čájeha beroštumi beaivválaš barggus, ja gii ieš álggaha doaimmaid buori bohtosiid olahan dihte. Don barggat ulbmilmielalaččat ja vuogálaččat, ja dus lea buorre návccat plánet, vuoruhit ja čađahit bargguid beaktilit. Dus leat buorit ovttasbargonávccat, ja don veahkehat hukset positiivvalaš ja fátmmasteaddji bargobirrasa. Seammás gulahallat čielgasit ja professionálalaččat, sihke olggobeale aktevrraiguin ja Sámedikkis siskkáldasas, ja dus lea návccat hukset buori oktavuođaid. Mii bidjat deattu dasa ahte leat luohtehahtti barggus, čađahat bargguid alla kvalitehtain ja čuovvulat ovddasvástádusaid ja áigemeriid. Don barggat iešheanalaččat ja válddát ovddasvástádusa iežat bargguid ovddas, muhto searvvahat earáid go dárbbašuvvo ovttasbargu dahje áššiid čielggadeapmi
Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái.

Geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá. Bargoaddi galgá láhčit dili nu ahte ođđa bargi sáhttá čađahit sámegieloahpu ovdalgo guokte jagi leat vássán virgádeami rájes.
 
Ohcanáigemearri 31.08.2026 
 
Mii fállat
Min luhtte beasat bargat miellagiddevaš bargguid Sámedikki máŋggabealat birrasis.
Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari.
Sámediggi čuovvu stáhta láhka- ja šiehtadusdoaimma.
 
Min luhtte oaččut• Buriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii.
• Buohkain geat ásset guovlluin gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 60 000 ru rádjai, sii ožžot maiddái sierra vearrogessosa.
• Nuvttá mánáidgárdesadji Finnmárkkus ja Davvi-Romssas 
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis
• Gelbbolašvuođaloktema sámegielas ja kulturipmárdusas

 
Máŋggabealatvuohta Sámedikkis
Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. 
Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis.
Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái.
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1434 Ráđđeaddi, 615.000 - 820.000 ru. jahkái dahje 1364 Seniorráđđeaddi, 700.000 - 920.000 ru. jahkái, vuolgá ohcci bargohárjáneamis ja gelbbolašvuođas. Virgekodii 1364 Seniorráđđeaddin gáibiduvvo dábálaččat masterdási oahppu ja guhkit relevánta bargohárjáneapmi. Virgádeapmi dahkkojuvvo gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
 
Ná ozat virgái min lusa
Orru go virgi miellagiddevaš ja háliidat go ohcat? Jus galggat registrerejuvvot siskkaldas ohccin, de fertet sáddet ohcama DFØ HR bokte. DFØ HR siidduid listtus gávnnat “Karrierer” nammasaš siiddu, gosa buot siskkaldas virgealmmuheamit biddjojuvvet, ja gos don maiddái sáddet ohcama. Mii bivdit du bidjat mielde oahppo- ja bargoduođaštusaid ja ohcanreivve. Mii bivdit du namuhit unnimusat guokte referánssa juogo ohcanreivves dahje CV:s. Jus dus lea oahppu olgoriikkas, de bivdit mii du bidjat mielde dohkkeheami Alit oahpu- ja gelbbolašvuođadirektoráhtas. Don gávnnat eanet dieđuid dan birra dás: Søk godkjenning av høyere utdanning (bachelor, master, ph.d) | HK-dir (hkdir.no). Mii árvvoštallat du ohcama daid dieđuid vuođul maid leat sádden midjiide go ohcanáigemearri lea dievvan. Lea danne dehálaš ahte don čájehat movt du gelbbolašvuohta deavdá gelbbolašvuođagáibádusaid mat leat čilgejuvvon almmuhusas.
 
Ohcciidlistu
Go ohcanáigemearri lea dievvan, de ráhkadit mii almmolaš ohcciidlisttu. Jus it hálit iežat nama oidnot dán listtus, de fertet russet ja čilget dan ohcamušas. Mii váldit oktavuođa duinna jus eat sáhte vuhtiiváldit du sávaldaga čiehkat nama ohcciidlisttus. Ohcciidlisttu beassá geahččat go jearrá.
 
Oktavuohta
Eanet dieđuid virggi birra oaččut go válddát oktavuođa: Juogusjođiheaddji Elin Rose Myrvoll tlf. +47 78 47 40 20 - elin.rose.myrvoll@samediggi.no.
Eanet dieđud Sámedikki birra gávnnat min ruovttusiiddus samediggi.no.
 
Min birra
Sámedikki bargit barget dieđuid vuođul ja lea njunuš institušuvdna Sámis. Min bargiin lea alla gelbbolašvuohta iešguđet fágasurggiin ja áŋgiruššet Sámedikki mandáhttii, višuvdnii ja bargguide. Sámedikki bargin don sáhtát earret eará bargat politihkalaš mearrádusaid čuovvulemiiguin, joatkevaš buoridemiiguin ja hálddašan- ja áššemeannudanbargguiguin.
Sámedikki hálddahusa jođiha direktevra, dat lea juhkkojuvvon fágaossodagaide ja juhkosiidda, ja das leat sullii 150 jahkebarggu. Sámedikkis leat gáiddus bargosajit, gos bargit barget ossodagaid ja juhkosiid rastá. Parlameantavisti lea Kárášjogas, ja eará kántursajit leat Vuonnabađas Unjárggas, Guovdageainnus, Olmmáivákkis Gáivuonas, Romssas, Skániin Dielddanuoris, Ájluovttas Hábmeris, Aarbortes ja Snåases. Bargit sáhttet guossin bargat eará kántorsajiin. Dat ábuha dasa ahte bargit oahpásmuvvet Sámi iešguđet guovlluide, ja huksejit oktavuođaid ja bargobirrasa ossodagaid, juhkosiid ja kántorsajiid rastá.
 
Sámedikki višuvdna: Ovttas nannet Sámi
"Ovttas nannet Sámi" lea Sámedikki višuvdna bargiide bargguide. Sámedikki deháleamos bargu lea Sámedikki politihka ja hálddašeami bokte seailluhit sámi giela, kultuvrra ja servodateallima. Sámedikki višuvnnas leat vihtta vuođđoárvvu; sámi vuoigŋa, rabasvuohta, ovttasráđálašvuohta, searvadeapmi, luohtehahttivuohta ja oskkáldasvuohta.
Sámediggi bargá čuovvovaš mihtuiguin olahan dihte min višuvnna:• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

 Stillingsutlysning på norsk

Sametinget er et nasjonalt folkevalgt organ for samene i Norge. Sametinget arbeider gjennom politikk og forvaltning for at samene skal få sikret og utviklet sitt språk, kultur og samfunnsliv. Som medarbeider i Sametinget vil du ha rikelig med muligheter for å bringe Sametinget nærmere vår visjon Sammen styrker vi Sápmi.
 
Rådgiver- Seniorrådgiver
Om stillingen
Sametinget har ledig stilling som arkeolog i samisk kulturminneforvaltning i seksjon for Samisk kulturarv. Seksjonen har ca 15 ansatte som har stort engasjement for kulturvernarbeid i hele Sápmi, både innen arkeologi, formidling og bygningsvern.  Stillinga har sitt fokusområde sørsamisk område.