Vil du leie ei avdeling som bidreg til trygg vassforsyning, gode avløpsløysingar og framtidsretta infrastruktur i Øygarden? ØyVAR søkjer ein tydeleg og engasjert leiar for utbyggingsavdelinga.

ØyVAR AS er eit heileigd kommunalt aksjeselskap med ansvar for vatn, avløp og renovasjon i Øygarden kommune.

Selskapet leverer samfunnskritiske tenester til 40 000 innbyggjarar og har ei sentral rolle i utviklinga av berekraftige, trygge og kostnadseffektive løysingar for kommunen.

Utbyggingsavdelinga har ansvar for planlegging, gjennomføring og oppfølging av ei omfattande portefølje av prosjekt innan vatn, avløp og renovasjon.

Som leiar for utbyggingsavdelinga får du ei sentral rolle i selskapet.

Du får ansvar for å leie og vidareutvikle avdelinga, sikre god prosjektstyring og bidra til at ØyVAR gjennomfører investeringar på ein trygg, effektiv og profesjonell måte.

Stillinga rapporterer til administrerande direktør og inngår i leiargruppa.

Dette er stillinga for deg som trivst med ansvar, komplekse prosjekt og samarbeid med fagfolk, entreprenørar, rådgjevarar, grunneigarar, kommunale aktørar og andre samarbeidspartar.

Hos oss får du høve til å påverke løysingar som skal fungere godt i mange år framover.

Arbeidsoppgåver
• Ha overordna ansvar for planlegging, gjennomføring, økonomi, framdrift, kvalitet og risikostyring i avdelinga si prosjektportefølje.
• Bidra til gode innkjøpsprosessar og utarbeide konkurransegrunnlag og kontraktsstrategiar i samarbeid med relevante fagressursar.
• Sikre etterleving av krav til HMT/SHA, ytre miljø, internkontroll, dokumentasjon og kvalitet.
• Sørgje for god samhandling mellom utbygging, drift og andre avdelingar i ØyVAR.
• Personalansvar for eigne tilsette på avdelinga
• Oppfølging og dialog med eksterne leverandørar

Kvalifikasjonar
• Minimum bachelorutdanning innan bygg og anlegg.
• Minimum 5 års erfaring som prosjektleiar innan bygg og anlegg.
• God forståing for prosjektstyring, kontraktar, entreprisar, økonomi, framdrift, kvalitet og risiko.
• Erfaring med offentlege innkjøp, byggherreansvar og HMT/SHA er ein føremon.
• Bakgrunn frå entreprenørsida vil bli vurdert positivt.
• God munnleg og skriftleg framstillingsevne på norsk.
• Digital kompetanse og evne til å bruke relevante system for prosjektstyring, dokumentasjon og rapportering.
• Førarkort klasse B.

Personlege eigenskapar
• Du er ein tydeleg og trygg leiar som skaper retning, struktur og tillit.
• Du har god gjennomføringsevne og trivst med å følgje opp mange parallelle aktivitetar.
• Du kommuniserer godt med både fagpersonar, entreprenørar, samarbeidspartar, leiarar og folkevalde organ.
• Du er løysingsorientert, analytisk og evnar å sjå både heilskap og detaljar.
• Du arbeider systematisk, tek ansvar og har høg integritet i møte med krav til kvalitet, økonomi og regelverk.
• Du bidreg til eit godt arbeidsmiljø og motiverer medarbeidarar gjennom involvering, tydelege forventningar og godt samarbeid.

Vi tilbyr
• Ei sentral leiarrolle i eit selskap med eit viktig samfunnsoppdrag.
• Spennande og varierte prosjekt innan samfunnskritisk infrastruktur.
• Høve til å påverke langsiktige løysingar for vatn, avløp og renovasjon i ein kommune i utvikling.
• Eit kompetent og engasjert fagmiljø med korte beslutningsvegar.
• Gode moglegheiter for fagleg utvikling og strategisk påverknad.
• Løn etter avtale og gode pensjons- og forsikringsordningar.

Søknad

Vitnemål og attestar skal leggjast ved søknaden. ØyVAR kan gjennomføre utvida bakgrunnssjekk med heimel i digitalsikkerheitslova.

Stillinga gir tilgang til sensitiv informasjon om vassforsyningssystemet.

Du må derfor rekne med å svare på inngåande spørsmål om tryggleik i rekrutteringsprosessen.

Har du spørsmål om stillinga, er du velkomen til å ta kontakt.

Søknadsfrist 23. oktober 2026

Har du spørsmål om stillinga?

Ta kontakt med Bjarne Ulvestad, mobil 952 40 828