Om stillinga

Alver kommune har ledig stilling som einingsleiar for Kart og oppmåling. Eininga består av 6 tilsette. 

Som einingsleiar vil du ha mogelegheit til å vidareutvikle eit godt fagmiljø. Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder, digital utvikling og aktivt tek ansvar for læring, samt fagleg og personleg utvikling.  

Eining for Kart og oppmåling er ei av tre einingar under tenesteområdet Arealforvaltning i Alver kommune. Stillinga inngår i leiargruppa til Arealforvaltning. Vi har tett samarbeid med dei andre to einigane Miljø og byggesak og Landbruk, og mot andre fagområde i kommunen. 

Kontorstad er i kommunehuset på Frekhaug. 

Arbeidsoppgåver

Er du ein person som har fagleg interesse innanfor oppmåling og matrikkel? 

Som leiar vil du ha heilskapleg ansvar for drift av eininga, under dette ansvar for fag, økonomi, HMS og personal. 

Dine hovudoppgåver vil vera: 
• Sikre at arbeid vert utført i samsvar med gjeldande lover, forskrifter og standarder
• Ivareta kommunen sitt ansvar som matrikkelmynde
• Forvaltning av FKB data
• Bidra til utvikling og bruk av digitale verktøy og løysingar
• Sakshandsaming og rådgjeving innanfor kart- og oppmålingsspørsmål
• Sikre god samhandling med andre fagområde, både interne og regionale
• Vidareføre samarbeidet innanfor oppmåling i regionen

Kvalifikasjonskrav 

Vi søkjer deg som har: 
• Høgare utdanning innan landmåling
• Autorisasjon som eigedomslandmålar kan vere ein fordel
• Erfaring frå oppmåling, kartforvaltning eller matrikkelføring
• Erfaring som leiar frå liknande stilling
• God kunnskap om matrikkellova
• Erfaring med bruk av moderne oppmålingsutstyr og GIS verktøy
• Har interesse og engasjement innanfor fagområdet
• Førarkort klasse B
• Gode norskkunnskapar, munnleg og skriftleg

Ønskt kompetanse

Vi søkjer deg som: 
• Ønskjer å jobbe i eit godt fagmiljø 
• Har gode samarbeidsevner, er løysingsorientert og fleksibel 
• Tar ansvar og har evna til å jobbe sjølvstendig og i team 
• Har gode kommunikasjonsevner, både skriftleg og munnleg 
• Har eit fagleg engasjement som bidreg til eit inkluderande og positivt arbeidsmiljø

Vi tilbyr
• Variasjon i arbeidsoppgåver 
• Godt arbeidsmiljø og dyktige kollegaer 
• Gode pensjons- og forsikringsordningar i KLP 
• Løn etter avtale basert på utdanning og erfaring
• Tilsetjing i samsvar med gjeldande lov- og avtaleverk