Om stillinga

Ved Høgskulen i Volda er det ledig eit vikariat på 50 % i drama og teater i tidsrommet 01.01.2025–31.07.2026. Stillinga er knytt til Avdeling for kulturfag, Institutt for teater.

Instituttet tilbyr for tida undervisning på følgjande studium:
- Bachelorstudium i skodespel og scenekunst (180 stp.)
- Årsstudium i teaterproduksjon (60 stp.)
- Barnehagelærarutdanninga (heiltids- og deltidsutdanninga)
- Kunst, kultur og kreativitet (8 stp.)
- Småbarnspedagogikk (9 stp.)

I tillegg tilbyr seksjonen dramakurs i grunnskulelærarutdanninga (1–7 og 5–10) samt i barnevern- og sosionomutdanningane. Vi tilbyr også ekstern kursverksemd i m.a. forteljing, improvisasjon, museumsformidling og teater i barnehagen.

Kvalifikasjonar

 - Mastergrad/hovudfag i drama og teater
- PPU eller undervisningserfaring frå høgare utdanning, kulturskule eller annan pedagogisk praksis
- Erfaring frå kunstnarleg utøvande verksemd vil vektleggjast
- Undervisningserfaring frå høgskule/universitet er ønskjeleg
- Anna relevant yrkeserfaring (skule, barnehage, kulturskule eller frivillig kulturliv) vil vere ein fordel

Personlege eigenskapar som vert vektlagde:
- Gode samarbeids- og kommunikasjonsevner
- Evne til problemløysing og kreativitet
- Gode formidlingsevner og evne til å leie studentprosjekt
- Evne til å ta initiativ og arbeide sjølvstendig

Språk: Søkjaren må ha gode norsk- og engelskkunnskapar, både skriftleg og munnleg.

Arbeidsfelt

Arbeidsoppgåvene er knytt til praktisk og teoretisk undervisning og rettleiing, primært i bachelorutdanninga. 

Aktuelle fagområde:
- Skodespelarteknikk og regi i modernismen og samtidsteater
- Skodespelarteknikk og regi knytt til fiksjonsfilm
- Casting og self-taping
- Bransjekunnskap og nettverking
- Søknadsarbeid og entreprenørskap

Det må også påreknast arbeidsoppgåver innan emne på HVO sine lærarutdanningar og ekstern verksemd. Den som vert tilsett, må ta del i det vidare arbeidet med fagets profil og utvikling av nye studium. Arbeidsoppgåver kan bli endra ved skifte i fagtilbod eller personalsamansetning.

Vi tilbyr

Vi kan tilby eit spanande arbeidsmiljø med høve til fagleg og personleg utvikling og gode pensjonsordningar. Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodane ved Høgskulen i Volda:  Høgskulelektor 1008 kr. 620 000,-  – 762 402,-. 

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument skal leggjast ved søknaden:
- Vitnemål og attestar (samla i ei fil)
- Master- eller hovudfagsoppgåve

 

Kontakt

Nærare opplysningar om stillinga kan ein få ved å vende seg til:
- Dekan Kjetil Laurits Høydal, tlf. 70 07 53 10, kjetil.laurits.hoydal@hivolda.no
- Instituttleiar for teater, Vibeke Preus, tlf. 70 07 52 54, vibeke.preus@hivolda.no

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

Video: https://www.youtube.com/watch?v=wSlL1WkuUXc