For English-speaking appliers: An English version of the text may be sent to you when contacting: camilla.hanquist.stokkevag@helse-bergen.no. Seksjon for medisinsk fysikk har ledig ei fast stilling i 100% stilling som medisinsk fysikar med fagfelt medisinsk fysikk i stråleterapi. Stillinga vil vere knytt opp mot koordineringsansvar for eksperimentelt forskingsrom innan protonterapi, og inneheld eigen forsking som postdoktor dei første åra.

Seksjon for medisinsk fysikk er eit kompetansesenter innan fagfeltet medisinsk fysikk. Vi er i dag om lag 50 tilsette, alle med universitet eller høgskuleutdanning. Ei av seksjonen sine hovudarbeidsoppgåver er å yte teknisk- og fysikkstøtte til klinikken si stråleterapieining. Seksjonen har òg ansvar for medisinsk fysikk innan protonterapi - som blei starta i Bergen våren 2025.

Den ledige faste stillinga er som koordineringsansvarleg for det eine gantryet innan protonterpi, som er dedikert til eksperimentell protonterapiforsking. Dette er organisert som ei kjernefasilitet i Kreftklinikken. Stillinga er sett saman av to delar. 50% har ansvar for tilrettelegging for all bruk av gantryet til forsking, nasjonalt og lokalt samarbeid, teknisk-fysikalsk kunnskap og kompetanse om protonterapi, samt god kunnskap og jamleg utføring av kvalitetssikringsoppgåver. Vi ønsker ein person som tar ansvar for utvikling av tenesta og arbeider for auka bruk av kjernefasiliteten for lokale og nasjonale forskingsmiljø, og som ser behova til forskingsgruppene. Den andre halvdelen av stillinga er knytta opp mot forsking som postdoktor dei første åra. Dette er knytta til forskingsprosjektet "Advancing clinical proton therapy through translational research for improved long-term outcomes" - og denne delen vil ha fagleg tilhøyring til forskarmiljøet innan stråleterapi. For meir informasjon om forskingsprosjektet, ta kontakt med Camilla Stokkevåg (kontaktinformasjon nederst).

Ved intern rekruttering, kan det bli ledig ei fast stilling som medisinsk fysikar innan stråleterapifysikk - der søkarar potensielt kan bli vurdert for denne.

Arbeidsoppgåver
• Koordineringsansvar for kjernefasilitet eksperimentell protonterapiforsking
• Praktisk og administrativt tilretteleggingsansvar for ulike forskingsmiljø som skal nytte kjernefasiliteten
• Utviklingsansvar for kjernefasiliteten og tilbodet til forskingsmiljøa
• Dosimetri- og kvalitetssikringsoppgåver innan protonterapi
• Generelle oppgåver innan medisinsk fysikk og stråleterapi
• Forsking innan forskingsprosjektet "Advancing clinical proton therapy through translational research for improved long-term outcomes"

Kvalifikasjonar
• Søkarar må ha høgare teknisk utdanning (dr.ing./ siv.ing./cand.scient/master) innan fysikk eller anna relevant retning, med hovudvekt på strålingsfysikk og/eller strålingsbiologi
• For primærstillinga søker vi etter ein kandidat med PhD
• Erfaring frå protonforsking er ønskeleg, særleg eksperimentell forsking og eventuelt kunnskapar innan Monte Carlo-simuleringar
• Erfaring frå preklinisk forsking (celle- eller dyreeksperiment) kan bli vektlagt
• Brei erfaring frå arbeid som medisinsk fysikar med strålebehandling av kreft, gjerne med erfaring innan relevant utstyr og datasystem som blir nytta i Helse Bergen, er ein fordel
• Akademisk utdanning og gjennomføringsevne kan bli vektlagt
• Erfaring med leiing og gjennomføring av prosjekt kan bli vektlagt
• For å bli vurdert til stillinga må søkarar legge ved relevant dokumentasjon på utdanning med vitnemål, og eventuelle relevante attestar
• For primærstillinga ønsker vi at søkaren legg ved eit motivasjonsbrev (på norsk eller engelsk), der det blir skildra eigen forsking og motivasjon, samt moglege prosjekt og interesseområde som søkaren ønsker å ta del i

Personlege eigenskapar
• Gode kommunikasjonsevner. Søkarar må evne å kommunisere og samhandle med andre faggrupper og ulike forskingsgrupper
• Entusiastisk og bidrar til gjennomføring av nye tiltak
• Praktisk innsikt og evne til å sjå nye moglegheiter
• Framsynt, strategisk og evne til å utvikle tenesta for framtida
• Vi ønsker søkarar som er ansvarlege, engasjerte, positive, fleksible og nøyaktige
• Det er ønskeleg med gode kunnskapar i norsk/skandinavisk språk og engelsk, både skriftleg og munnleg
• Det er viktig at søkarar kan vere positiv med omsyn til å yte ekstra innsats i periodar med høg aktivitet 
• Seksjonen vil gradvis gå over til skiftarbeid for medisinske fysikarar dei neste åra, og søkarar må kunne delta i skiftarbeid på kvardagar med arbeidstider mellom
kl 06.00 og 22.00

Vi tilbyr
• Lønn etter avtale
• Opplæring med rettleiar, gjennom hospitering og kurs
• Triveleg arbeidsmiljø
• Fleksibel dagarbeidstid (ikkje helg), med gradvis overgang til skiftarbeid dei neste åra. Det blir og noko pålagt kveldsarbeid 
• Høgt fagleg nivå
• Ein arbeidsplass som er ei inkluderande arbeidsliv-bedrift (IA-bedrift)

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Einar Waldeland, Seksjonsleiar, +47 90825553, einar.waldeland@helse-bergen.no

Lukas Andreas Hirschi, Ass. seksjonsleiar, lukas.andreas.hirschi@helse-bergen.no

Camilla Hanquist Stokkevåg, Forskar, camilla.hanquist.stokkevag@helse-bergen.no

Arbeidsstad

Haukelandsbakken 48

5009 Bergen

Nøkkelinformasjon:

Arbeidsgivar: Helse Bergen HF

Referansenr.: 5026170454

Stillingsprosent: 100%

Fast

Søknadsfrist: 03.11.2025