Om stillinga

I Vest politidistrikt, for tida ved Felles eining for utlending og forvaltning (FUF), Grenseseksjonen,  er det ledig fleire faste stillingar som grensekontrollør SKO 1416 ved Bergen Lufthamn Flesland.

Grenseseksjonen skal utføra heilskapleg grensekontroll gjennom kriminalitetsførebyggjande arbeid i forvaltningssporet, moglegheiter til å fanga opp grenseoverskridande kriminalitet i form av ulovleg immigrasjon, falske dokument, omreisande kriminelle nettverk og menneskehandel. Grensekontrollen skal bidra til å sikra at alle som oppheld seg i Noreg har avklart identitet og lovleg opphald.

Hos oss møter du eit mangfaldig og inkluderande arbeidsmiljø, med kolleger i ulik alder og med variert bakgrunn. Eininga består av politiutdanna og sivilt tilsette grensekontrollørar med begrensa politimynde. Arbeidskvardagen er uniformert, og ein må rekne med opplæring i bruk av maktmidlar som er aktuelle for stillinga gjennom årleg trening. 

Som ny grensekontrollør får du grundig opplæring i grensekontroll og dokumenthandtering, og blir del av ein seksjon i utvikling - der kompetanse, samarbeid og ny teknologi står sentralt.

Me er på arbeid for eit trygt Noreg. Som ein del av det viktige samfunnsoppdraget til politiet, skal me førebyggje og få bukt med kriminalitet, skapa tryggleik og ivareta rettstryggleiken.

Me trur at mangfald bidreg til betre oppgåveløysing, og søkjer difor medarbeidarar med ulik bakgrunn, erfaring, perspektiv og kompetanse.

Dette ser vi etter hos ein ny medarbeidar

Vi ser etter deg som har interesse for grense- og utlendingsfeltet. Du trivst med å jobba i team, du evnar å byggja tillit hos publikum og du har gode kommunikasjonsferdigheiter. 

Vidare søkjer vi deg som er fleksibel, med god omstillingsevne og med gode samarbeidsevner.

Som nytilsett Grensekontrollør vil du få god kursing og opplæring. Har du erfaring frå grense/utlending er det positivt, men ikkje noko krav. Me ser først og fremst etter deg som er motivert for å læra og har dei rette personlege eigenskapane.

Arbeidsoppgåver
• Utføra inn og utgåande førstelinje grensekontroll (Passkontroll) ved luft og sjøgrensa i Vest politidistrikt
• Utlendingskontroller på territoriet
• Bistå i bort - og utvisningssaker 
• Servicerelaterte oppgåver som utferding av nødpass mm.
• Andre oppgåver som femnar om seksjonen sine  ansvarsområde 

Kvalifikasjonar

Dette må du ha for å vera kvalifisert:
• 3-årig vidaregåande skule eller fagbrev innan relevant område
• Norsk statsborgar
• God skriftleg og munnleg formuleringsevne på norsk og engelsk
• Førerkort klasse B
• Villig til å gjennomføra opplæring i begrensa politimynde, og anna nødvendig opplæring for å kunna utføra jobben og ivareta utviklinga i grensekontrollen.

Det er ønskjeleg med:
• Publikumserfaring frå tidlegare yrke
• Språkkompetanse utover engelsk
• Interesse for utlendingsfeltet og ha kulturforståing

Du må ha plettfri vandel og vera skikka for teneste i politiet og politiattest (uttømmande og utvida) må innhentast ved ev. tilsetjing jfr. politiloven § 18 og politiregisterlova § 41.

Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.

Personlege eigenskapar
• Motivert for å læra om og jobba med grense-utlendingsfeltet
• Har gode haldningar og samarbeidseigenskapar, og trivst med å arbeida i team
• Har evna til å byggja tillit hos publikum og har gode kommunikasjonsferdigheiter
• Effektiv, fleksibel og god omstillingsevne
• Høfleg og serviceinnstilt
• God evne til å takla stress i ein travel arbeidskvardag.

Som medarbeidar i politiet har du høgt etisk medvit, du blir kjenneteikna av å vera modig og heilskapsorientert, du viser respekt og er tett på. Du kan lesa meir om dei etiske retningslinjene våre og medarbeidarplattform her.  

Dette kan vi tilby om du vel oss
• Ein utfordrande og spennande arbeidsplass
• Stillinga blir lønna som Grensekontrollør (SKO 1416)  frå kr. 485.000,-. Tillegg for kveld/natt og helgearbeid tilkjem. Vidare tilkjem ATB-tillegg tilsvarande kr. 44.708 brutto per år. Anna lønnsutvikling vil skje i henhold til hovudtariffavtalane i staten
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no
• Gode arbeidsvilkår, skiftarbeid dag/kveld og kvar 3 helg. Nattskift må påreknast i periodar. 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_WcSlik søkjer du

Du søkjer ved å fylla ut CV i Jobbnorges CV-skjema og skriva eit kort søknadsbrev. I tillegg må du leggja ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.