Me søkjer ein engasjert og fagleg trygg VA-ingeniør som ønskjer å bidra til ei trygg, berekraftig og framtidsretta kommunal vass- og avløpsteneste. Hos oss blir du del av eit breitt og kompetent fagmiljø med høg aktivitet og varierte arbeidsoppgåver. Stillinga er plassert i driftsavdelinga under kommunalavdeling Tekniske tenester. Avdelinga har om lag 40 tilsette og ansvar for drift og vedlikehald av kommunal infrastruktur (veg, vatn og avløp) i Voss herad.

Arbeidsoppgåver • Planlegging, drift og vidareutvikling av kommunale vass- og avløpsanlegg
• Sakshandsaming og handsaming av søknader om sanitærabonnement
• Oppfølging av pålegg, til dømes knytt til separering og lekkasjar
• Arbeid innan IKMAT
• Driftsoptimalisering av VA-anlegg
• Byggeleiing og oppfølging av VVA-prosjekt
• Deltaking i vaktordning og beredskap ved behov

Kvalifikasjonar• VA-ingeniørutdanning eller annan relevant ingeniørutdanning, t.d. innan kommunalteknikk, infrastruktur, bygg, miljø, prosess eller liknande
• Erfaring frå VA-faget, kommunalteknikk eller teknisk forvaltning er ein fordel
• Gode datakunnskapar relatert til fagområdet.
• God norsk skriftleg og munnleg framstillingsevne
• Førarkort klasse B

Relevant erfaring innan VVA kan kompensere for manglande formell utdanning.

Personlege eigenskapar Me legg stor vekt på personlege eigenskapar, og ønskjer ein kollega som er:
• Strukturert og systematisk, med god gjennomføringsevne
• Ansvarsbevisst og påliteleg
• God på samarbeid og trivst med tverrfagleg arbeid
• Praktisk, løysingsorientert og kreativ
• Engasjert i samfunnsoppdraget og berekraftige løysingar

Me tilbyr • Eit inkluderande og tverrfagleg arbeidsmiljø
• Varierte og meiningsfulle arbeidsoppgåver – både ute og inne
• Ein trygg og stabil arbeidsplass
• God opplæring i system og programvare
• Gode moglegheiter for fagleg utvikling
• Fleksitidsordning
• Gode pensjons- og forsikringsordningar
• Løn og tilsetjing etter gjeldande kommunalt avtaleverk

Søkjer du arbeid hjå oss og har ein partnar som gjer det same, finn du mange og spanande stillingar i Voss herad her. Voss herad - Våre ledige stillingar (easycruit.com)

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver vennleg og legg ved vitnemål og attestar til søknaden.

Link til søknadsskjema: Søk her