Våre faste tilsette innan helse og omsorg avviklar hovudferie i perioden 22.06.2026 - 16.08.2026. Vi søkjer difor etter engasjerte og dyktige ferievikarar i denne perioden, og ønskjer deg som ferievikar i tenestene våre.

Vi søkjer etter vikarar i følgjande grupper:
• Askvoll legesenter
• Heimetenesta/Omsorg 1
• Bu- og miljøtenesta
• Askvoll omsorgssenter
• Kjøkken
• Reinhald/vaskeri

Avhengig av arbeidsstad er arbeidsoppgåver:• Utføring av stell og pleie
• Legge til rette for meistring og rehabilitering
• Helsesekretæroppgåver
• Tilsyn og miljøarbeid
• Assistere pasientar i matsituasjon
• Matlaging
• Reinhald og vaskeriteneste

Vi søkjer deg som:• Har fylt 16 år på oppstartstidspunktet
• Er ferdig utdanna, elev eller student innan helse- og sosialfag
• Har fagbrev eller er under utdanning som kokk, eller har erfaring og interesse for matlaging
• Ynskjer å vere assistent innan pleie, reinhald og vaskeri
• Omsorgsfull, respektfull og opptatt av kva som er viktig for pasient, brukar og pårørande
• God til å kommunisere på norsk, både munnleg og skriftleg
• Fleksibel og god til å samarbeide
• Søkjarar til heimetenesta og bu- og miljøtenesta må ha førarkort
• Politiattest av nyare dato vert krevd før start i stilling.

Vi tilbyr:• Ferievikarar som stiller seg disponibel til å arbeide 5 veker samanhengande, vil få utbetalt ein bonus på kr. 10.000 dersom ein jobbar 100% i perioden. Dersom ein jobbar i frivilleg reduserte stillingsprosentar vil ein få bonus ihht gjeldande stillingsprosent.
• Eiga avlønning til studentar innan sjukepleie, vernepleie og medisinstudentar
• Elles løn etter sentralt løns- og stillingsregulativ
• Pensjonsordning KLP

I søknaden må du setje opp kvar du ønskjer å arbeide i prioritert rekkefølgje (t.d. 1. Askvoll legesenter, 2. Bu- og miljøtensta 3. Heimetenesta), kor mykje og kva tidsrom du kan arbeide. Ved tilbod om ferievikariat, vil ein så langt det lar seg gjere gje tilbod om stilling ut frå ønskja dine, men dette må òg sjåast opp mot behov i tenestene og din kompetanse. Søkjarar som kan arbeide mest mogeleg samanhengande vert prioritert. Ein må kunne påreknast å arbeide annankvar helg. 

Tilsetjing skjer på dei vilkår og med dei plikter som til ei kvar tid går fram av gjeldande lover, reglar og tariffavtalar.
Askvoll kommune legg vekt på mangfald på arbeidsplassen og oppfordrar kvalifiserte kandidatar til å søkje - uavhengig av alder, seksuell orientering, kjønn og kjønnsidentitet, funksjonsnedsetting og nasjonal eller etnisk bakgrunn. Arbeidsvilkåra vert tilrettelagde for personar med nedsett funksjonsevne.

Vi gjer merksam på at søkjarar vil verte offentleggjort (offentleg søkjarliste). Søknadar om å verte unnateke offentlegheita må grunngjevast, og vert vurdert fortløpande. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

Link til søknadsskjema: Søk her