Er du klar for å sjå det regionale og internasjonale i samanheng på måtar som skapar verdi og utvikling i Møre og Romsdal?

Som internasjonal rådgivar blir du del av eit lite seksjonslag som driv fram samarbeid på tvers av både fag, sektor- og landegrenser for å utvikle Møre og Romsdal for framtida.

I stillinga får du sjansen til å jobbe med varierte og utfordrande oppgåver i skjeringspunktet mellom politikk og utvikling og på tvers av forvaltingsnivåa; frå det lokale til det internasjonale. Dette er ei stilling for deg som utforskar moglegheitsrom heller enn å bryte med barrierar, og som ser utvikling som ein naturleg del av kvardagen saman med eit lite lag i eit internasjonalt og tverrfagleg miljø.

Du skal arbeide med å 
• halde deg oppdatert på europapolitikk og moglegheiter for samarbeid og prosjekt innan relevante EU-program 
• oppmuntre til deltaking i internasjonalt og europeisk samarbeid i fylkeskommunen og blant andre relevante aktørar i regionen  
• støtte, rettleie og bidra med kompetanse innan utvikling og gjennomføring av internasjonale prosjekt 
• følge opp folkevalde med internasjonale politiske verv  
• utforme og følgje opp relevante politiske saker  
• evaluere, forbetre og omstille arbeidsform og strategiar i takt med endringar i politiske og økonomiske rammer 

Stillinga krev desse kvalifikasjonane
• relevant høgare utdanning på masternivå 
• erfaring med å drive prosessar og utvikle og hente ut verdiar frå prosjekt 
• erfaring med å engasjere og formidle  
• gode skriftlege og munnlege kommunikasjonsferdigheiter på engelsk og norsk 

Det kan også vere ein fordel med 
• kjennskap til EU og EØS 
• erfaring med å utvikle og leie EU-prosjekt 
• kjennskap til Møre og Romsdal og dei naturlege fortrinna til regionen 
• erfaring med oppfølging av folkevalde 
• kompetanse på bruk av digitale verktøy, særleg på trygg og effektiv bruk av KI-assistentar 

For å lukkast i stillinga må du

• trivast med å arbeide tverrfagleg og med å vere oppsøkande og nysgjerrig i møte med andre menneske og fagfelt 
• ha blikk for strategiske moglegheiter og koplingar som kan skape meirverdi 
• like vekslande arbeidsrytme og tidvis travle periodar med tidspress og korte fristar 
• drive fram eigen utvikling, og like å dele og inkludere andre som del av læring og kompetanseutvikling 

Vi tilbyr
• ei spennande stilling som del av eit lite og effektivt seksjonslag i eit profesjonelt, tverrfagleg og internasjonalt arbeidsmiljø
• god tilgang til faglege nettverk og utvikling, med store rom for eigenutvikling
• offentleg pensjonsordning, gruppelivs- og ulykkesforsikring
• løn etter avtale
• kontorstad i Molde har tilgang til trimrom
• fleksitid

Kontorstad er i Molde eller Ålesund

Kontaktinformasjon

Birgit Aarønæs, Seksjonsleiar, +4791886088, birgit.aaronas@mrfylke.no

Ingrid Gjelsvik, Internasjonal rådgivar , 95528836, ingrid.gjelsvik@mrfylke.no

Arbeidsstad

Julsundvegen 9

6412 Molde

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5061310350

Stillingsprosent: 100%

Fast

Søknadsfrist: 08.02.2026