UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgAUniversitetslektor i kinesisk språk

Velkomen som søkjar til ei fast 50 %-stilling som universitetslektor i kinesisk språk ved Institutt for framandspråk, Universitetet i Bergen (UiB). I stillinga er ¾ av tida sett av til undervisning og undervisningsrelatert arbeid, og ¼ til administrasjon og fagleg utviklingsarbeid. Planlagt oppstart i stillinga er 1. august 2026 eller så snart som mogleg etter. 

Institutt for framandspråk har ni fagområde: arabisk, engelsk, fransk, italiensk, japansk, kinesisk, russisk, spansk språk og latinamerikastudium og tysk. Instituttet har om lag seksti fast tilsette i vitskaplege stillingar, omkring tjue ph.d.- og postdoktorstillingar og elleve administrativt tilsette. 

Kinesiskfaget har tre og ei halv fast stilling og eit undervisningstilbod som strekkjer seg frå innføringsnivå til doktorgradsstudium.

Arbeidsoppgåver:

Undervisninga i stillinga er i hovudsak lagt til språklege emne på bachelornivået. Oppgåvene spenner frå grunnleggjande språkopplæring for studentar utan forkunnskapar i kinesisk, til meir avanserte kurs seinare i studiet. Undervisningsformene vil vere varierte og mellom anna inkludere forelesingar, seminar, gruppeundervisning, rettleiing, oppgåveretting og eksamenssensur. Undervisning på masternivå kan òg bli aktuelt. Nettbasert undervisning kan kome i tillegg til fysisk undervisning.

I tillegg til undervisningsoppgåvene må den tilsette ta sin del av koordinering og administrative plikter på faget og instituttet.

Kvalifikasjonar og eigenskapar:

Den som blir tilsett, må ha: 
• Norsk mastergrad eller tilsvarande utanlandsk grad i kinesisk (språk/lingvistikk, didaktikk, kultur, litteratur el.l.).
• Svært gode kunnskapar i skriftleg og munnleg kinesisk.
• Svært gode kunnskapar i skriftleg og munnleg norsk eller eit anna skandinavisk språk.
• Erfaring frå undervisning i kinesisk, gjerne på ulike nivå

Det er i tillegg ein føremon med: 
• Røynsle med bruk av digitale verktøy i undervisninga, og eventuelt utvikling av slike hjelpemiddel.
• Erfaring frå nettbasert undervisning.

Den som vert tilsett, må vere godt personleg eigna for stillinga. Det vert lagt stor vekt på gode samarbeidsevner og vilje til lagarbeid.

Dokumentert utdanningsfagleg kompetanse innan to år etter tilsetting er eit krav for stillinga

Tilsetjing i stillinga krev at ein har arbeidsplass ved Universitetet i Bergen tilsvarande stillingsprosenten, og at ein følger gjeldande retningslinjer.  

Hos oss får du
• Eit godt og fagleg utfordrande arbeidsmiljø.  
• Høve til å byggje sterke faglege nettverk. 
• Trygg og fleksibel arbeidskvardag med gode velferdsordningar. 
• Arbeidsstad i hjartet av Bergen – nær både byliv og natur.
• Løn som universitetslektor (kode 1009), som for tida svarar til ei brutto årsløn på kr 625 500 - 665 500 i full stilling. For særskilt kvalifiserte søkjarar kan det vurderast høgare løn. Vidare lønsopprykk skjer etter ansiennitet i stillinga.  Søkjarar med doktorgrad kan søkje om opprykk etter tilsetjing. 
• Medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån. 

Slik søkjer du stillinga

Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande: 
• Under «Søknadstekst»: Skriv ei kort utgreiing om motivasjonen din for å søkje stillinga.  
• Under «CV», oppgi: • Personalia.  
• Erfaringar og kvalifikasjonar (fyll inn i dei seksjonane som er relevante for deg). Publikasjonar/vitskaplege produksjonar kan leggjast ved som eit separat dokument dersom ønskjeleg (publikasjonsliste). 
• Språkferdigheiter.  
• Minst to referansepersonar. Personar som kan vurdere undervisningsarbeid og pedagogiske kvalifikasjonar vil vere særleg relevante. 
• Under «Vedlegg» skal du laste opp følgjande som separate dokument: • Dokumentasjon av pedagogiske kvalifikasjonar (utdanning, undervisningspraksis eller anna relevant pedagogisk erfaring).  
• Vitnemål som dokumenterer fullførte grader (kan lastast opp frå Vitnemålsportalen, eller skanna versjon av originalar/rettkjende kopiar av alle vitnemål frå høgare utdanning) og relevante attestar.  
• Eventuelle evalueringsrapportar eller anna tilbakemelding på eiga undervisning.  
• Liste over eventuelle vitskaplege publikasjonar. 
• Inntil fem vitskaplege arbeid.  
 

Søknad og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format og må lastast opp i Jobbnorge innan søknadsfristen.  

Aktuelle søkjarar vil bli inviterte til intervju og prøveforelesing. 

Spørsmål om den elektroniske søkjeprosessen kan ein rette til fakadm@hf.uib.no. 

Nærare om tilsettingsprosessen her.

Generell informasjon:

Utfyllande opplysningar om stillinga kan ein få ved å vende seg til instituttleiar Martin Paulsen på telefon 55 58 23 86 eller e-post m.paulsen@uib.no, eller til fagkoordinator for kinesisk, professor Huiwen (Helen) Zhang på telefon 55 58 23 27 eller e-post huiwen.zhang@uib.no. 

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering. 

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.