Sæbøhaugen bustadar er fleire samlokaliserte bustadar der det vert ytt tenester til vaksne personar med nedsett funksjonsevne.

Sæbøhaugen bustadar har til saman fire nattevakter, to vakne og to kvilande, som samarbeider på tvers av husa. Denne stillinga har sin base i Sæbøhaugen C.

Eining for habilitering sin ressursstab er ein stab av fast tilsette som har opplæring i fleire avdelingar. Som tilsett her så har du ein fast turnus og vert nytta der det er størst behov.

Eining for habilitering har ledig fast 53% stilling for fagarbeidar med kvilande natt kombinert med kveld.
Stillinga har kviletid på natt med avlønning 1:3 og løn vert tilsvarande ein 40% vaken stilling. Det er mogleg å auke stilling i ressursstab slik at samla stilling vert inntil 100%.

Stillinga har arbeid kvar tredje helg og er ein kombinasjon av kvilande nattevakter i Sæbæhaugen bustadar og kveldsvakter på helg i Eining for habilitering sin ressursstab.

Arbeids- og ansvarsområde:
Kvilande natt i Sæbøhaugen C har arbeidstid frå 21.15 til 09.00, der det er aktiv tid fram til midnatt, og frå kl. 06.00. Timane mellom 00.00 og 06.00 er kvilande.

I aktive timar er tilsett med på kveldsrutinar og morgonrutinar for bebuarane, saman med dei andre tilsette. I kvilande timer kan ein sova på eige rom, og vil bli vekt dersom det skulle vere naudsynt.

På kveldsvakter i ressursstab vil ein arbeide i ei avdeling ein har opplæring i, og arbeidet vil vere å bistå bebuarane i aktuelt bufellesskap.

Kvalifikasjonskrav:
Autorisert helsefagarbeidar eller barne- og ungdomsarbeidar. Pleiemedarbeidar med relevant erfaring kan og søkja. Stilling som kvilande natt kan eigna seg godt for studentar innan helsefag.

Ved tilsetjing vert det stilt krav om at ein legg fram politiattest av ny dato.

Me kan tilby:
• Varierte arbeidsoppgåver i eit tverrfagleg fagmiljø
• Godt arbeidsmiljø
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk.
• Offentleg tenestepensjon.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson: Avdelingsleiar Tonje Halstensen Brørvik, tlf 984 74 607 eller einingsleiar Esther Aasen Bjelland, tlf 975 52 097