I produksjonsavdelinga ved Sjukehusapoteket i Bergen lagar vi legemiddel som ikkje finst frå industrien, ofte skreddarsydd til barn, kreftpasientar, intensivpasientar og andre som treng spesialtilpassa behandling.  

Som avdelingsleiar får du ansvaret for å utvikle og leie eit sterkt fagmiljø, tett på pasientbehov og i samarbeid med både resten av apoteket og sjukehuset. Her blir du ein del av noko større, og får leie om lag 50 dyktige fagfolk som arbeider for trygg og nøyaktig legemiddelproduksjon kvar dag. 

Du får byggje vidare på eit solid fundament og dra nytte av erfaringane til Christina, som leiar avdelinga no og vil vere ein verdifull støttespelar for deg i overgangsfasen. Din leiar blir apotekar Waled, ein roleg og trygg kar som vil gi deg både tillit og handlingsrom og vere ein god sparringpartnar.  Som leiar og kollega får du også støtte frå eit etablert leiarteam både i produksjonsavdelinga og i apoteket.  

Dessutan blir du del av den regionale faggruppa for produksjon i Sjukehusapoteka Vest, der du får høve til å lære, dele erfaringar og påverke utviklinga på tvers av organisasjonen.  

Vi høyrer gjerne frå deg om du lurer på noko. 

Om arbeidsoppgåvene

Som leiar for produksjonsavdelinga
• har du det overordna ansvaret for fag, økonomi og personal 
• vil du leie og utvikle avdelinga vidare i tett samarbeid med to seksjonsleiarar 
• er du medlem av leiargruppa ved apoteket 
• kan det vere aktuelt å ta del i drift og vaktordning ved behov  

Kvardagen som leiar hos oss er spennande og variert. Lista ovanfor er ikkje uttømmande, og andre oppgåver kan tilfalle stillinga ved behov.

Kvalifikasjonar
• norsk autorisasjon som farmasøyt og utdanning på masternivå 
• fordel med leiarerfaring frå apotek 
• god forståing for digitale verktøy og interesse for teknologi og forbetring 
• trygg språkføring på norsk, både munnleg og skriftleg 
• gjerne kjennskap til produksiområdet

Personlege eigenskapar

Vi ser etter ein tydeleg leiar som byggjer lag, ser løysingar og får ting til å skje. Du skapar retning for medarbeidarane dine, med høge krav til kvalitet og presisjon, men også med rom for humor og læring. Det blir også lagt vekt på å vere personleg eigna for stillinga. Hos oss får du
• ei sentral leiarstilling i eit stort og utviklingsorientert fagmiljø 
• støtte frå engasjerte og erfarne kollegaer 
• gode moglegheiter for fagleg og personleg utvikling 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

I Sjukehusapoteka Vest (SAV) jobbar det rundt 350 medarbeidarar, delt på fem sjukehusapotek og ein sentraladministrasjon i Bergen. Hos oss arbeidar det farmasøytar, apotekteknikarar, sjukepleiarar, anna helsepersonell, prosjektleiarar og medarbeidarar innan HR, økonomi, IKT og kommunikasjon. Kvar arbeidsdag bidrar alle på kvar sin måte til at pasientar får legemidla dei treng og brukar dei på rett og trygg måte.

Kontaktinformasjon

Waled Al-Zayadi, Sjukehusapotekar, +47 93 69 24 20, waled.al-zayadi@sav.no

Christina Pia Strunck, Konstituert avdelingsleiar, +47 40 20 12 80, christina.pia.strunck@sav.no

Arbeidsstad

Jonas Lies vei 89

5021 BERGEN

Nøkkelinformasjon:

Arbeidsgivar: Sjukehusapoteka Vest

Referansenr.: 5068745840

Stillingsprosent: 100%

Fast

Søknadsfrist: 08.02.2026