Er du ei nattugle som trivst best når resten av Bømlo søv? Då kan me ha draumejobben for deg!

Habiliteringstenesta i Bømlo kommune har ledig ei fast 79% stilling som miljøarbeidar på natt med arbeidsstad ved Maribu. 

Me gjev tilbod til personar med utviklingshemming som treng omfattande og varig støtte.

Me har for tida 128 årsverk som yt heildøgnstenester til 45 personar i 10 bufellesskap, samt dagtilbod.

Det vert oppstart etter avtale.

Arbeidsoppgåver
• Utføra tiltak og prosedyrar med fokus på målretta miljøarbeid.
• Yta praktisk bistand til rettleiing i dei daglege gjeremåla, samt leggja til rette for god omsorg og utvikling for den einskilde tjenestemottakar.
• Journalføring og arbeid opp mot gjeldande lovverk.
• Stillinga rapporterar til avdelingsleiar.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonskrav
• Fagbrev innan helse- og sosialfag. Søkjarar utan formell kompetanse kan bli vurdert, der relevant erfaring/praksis vert vektlagt.
• Norsk kunnskapar tilsvarende nasjonal norskprøve på nivå B1 for fagarbeidarar og ufaglærte. 

Det er krav om gyldig politiattest for teneste hjå personar med utviklingshemming jfr. Hol §5-4 a.

Ønskelege kvalifikasjonar:
• Arbeidserfaring med målretta miljøarbeid og personar med utviklingshemming.
• Erfaring med åtferd som utfordrar. 
• Erfaring med bruk av journalsystem.
• Kjennskap til helse og omsorgstenestelova kap. 9. 
• Sertifikat klasse B.

Personlege eigenskapar
• Du har gode samarbeidsevner og trivst med å jobbe både i team og sjølvstendig.
• Du beheld roen og kan handtere uforutsette situasjonar på ein trygg måte.
• Du har god observasjonsevne og forstår betydninga av presis og fagleg dokumentasjon.
• Du er ansvarsbevisst og har eit løysingsorientert blikk på utfordringar.
• Du har evne til å skape tryggleik og tillit – både for brukarar, pårørande og kollegaer.
• Du er i god fysisk form og klar for ein aktiv arbeidskvardag.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr
• Varierte og spanande arbeidsoppgåver.
• Faglege og personlege utfordringar i eit trygt arbeidsmiljø.
• Moglegheit for utvikling og kompetanseheving.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Tilbod om medlemskap med tilsettegoder i velferdsklubben.

Anna informasjon
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. For denne stillinga oppmodar me spesielt menn til å søkja.
• Vi gjer merksam på at søkjarar vert ført opp på offentleg søkjarliste. Det er mogleg å søkje om anonymitet, men det må vera særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga og rekrutteringsprosessen, ta kontakt med avdelingsleiar. 

Kontaktinformasjon

Tone Linn Hovland Meling, Avdelingsleiar, 482 85 897, tone.linn.hovland.meling@bomlo.kommune.no

Arbeidsstad

Kyrkjevegen 1

5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5068198411

Stillingsprosent: 79%

Fast

Søknadsfrist: 05.02.2026