Veidekke Bygg Sogn og Fjordane har behov for fleire tømrarar i Nordfjord. Akkurat no bygger vi Skram skule i Måløy i Kinn kommune, og prosjektet går fram til sommaren 2027.

Vi ser etter deg som er strukturert, sjølvgåande og likar å levere god kvalitet og service i arbeidet ditt. Og ikkje minst har stå-på-vilje og godt humør. Du har fagbrev i tømrarfaget og lyst til å vere med å vidareutvikle vårt distrikt innan våre satsingsområde bolig, næring, skule og offentlege bygg.

Som tømrar har du ansvar for framdrift og produksjon med laget ditt. Du sørger for god flyt i produksjonen og har ei involverande arbeidsform. Veidekke er leiande i bruk av digitale verktøy på byggeplass, og du vil bli ein del av eit involverande, innovativt og framtidsretta arbeidsmiljø der BIM er ein del av vår kvardag.

I distriktet jobber vi vanlegvis 4- eller 5-dagers veke, og i nokre tilfeller i rotasjonsordningar. Dersom du er mobil og ynskjer å vekependle så er det høve til det, men vi ynskjer fortrinnsvis at du er busett i vårt distrikt.

Kvalifikasjonar
• Fagbrev innan tømrarfaget (anna relevant erfaring/kompetanse kan bli vurdert -- vi tilset også vaksenlærlingar)
• Snakkar norsk, svensk eller dansk

Profil
• Engasjert
• Kvalitetsbevisst
• Interessert i ny teknologi og digitalisering
• Høgt fokus på HMS

Vi tilbyr:
• Fast jobb i eit uformelt og godt arbeidsmiljø hos ein trygg og seriøs arbeidsgivar
• Fri mobiltelefon
• Personleg verktøypakke
• Gode lønnsvilkår og ordningar for forsikring og pensjon
• Framtidsretta arbeidsmetodar, gode utviklingsmulegheiter og digitale løysingar

Vi har eit bredt spekter av kurs og opplæring hjå oss. Gjennom vår ordning for aksjekjøp får du høve til å eige aksjar i eiga bedrift saman med kollegaene dine. I dag eig om lag halvparten av dei tilsette i Veidekke 10 % av aksjane i selskapet, noko som er ganske unikt for store selskap i Norge.

Har du spørsmål til stillingen så hører vi gjerne fra deg.