Yrkesmedisinsk avdeling, Haukeland universitetssjukehus, har ledig 100 % fast stilling for yrkeshygienikar!

Den ledige stillinga er tilknytt arbeidsmedisinsk seksjon. Seksjonen har som hovudoppgåve å førebyggje sjukdom og fremje god helse ved å påvise, greie ut og auke kunnskapen om samanhengen mellom arbeidsrelaterte faktorar og helse. Dette blir gjort gjennom polikliniske oppgåver, kunnskapsformidling, prosjektarbeid og forsking. Seksjonen har regionansvar for Helseregion III (Vestland og Rogaland) og har i tillegg nasjonal behandlingsteneste for spesifikk bronkial provokasjon ved yrkesrelatert astma. Den faste staben ved arbeidsmedisinsk seksjon er breitt sett saman med overlegar i arbeidsmedisin, lungemedisin og dermatologi. I tillegg yrkeshygienikarar og nevropsykolog. Ein har tett samarbeid også med legespesialistar, sjukepleiarar, kontorsette til og andre fagpersonar ved dei andre seksjonane på Yrkesmedisinsk avdeling.

Yrkesmedisinsk avdeling er organisert i arbeidsmedisinsk seksjon, regionalt senter for astma, allergi og oversensibilitet, hyperbarmedisinsk seksjon, norsk senter for maritim- og dykkemedisin, sjukepleieseksjonen og merkantil seksjon. Avdelinga har derfor eit unikt tverrfagleg preg som gir store moglegheiter for læringsarenaer også på tvers i avdelinga. Avdelinga har berre regionale-, nasjonale- og internasjonale ansvarsoppgåver med mellom anna regionale tenester innan allergologi, miljøeksponering, arbeidshelse, maritim medisin, televaktteneste og hyperbarmedisin.

Arbeidsoppgåver
• Stillinga inngår i aktiviteten til seksjonen og særleg arbeidde med identifikasjon og vurdering av kjemiske-, biologiske- og tekniske arbeidsmiljøfaktorar
• Den som blir tilsett skal delta i det tverrfaglege arbeidet rundt dei ulike utgreiingane og sakene ved seksjonen
• Den som blir tilsett får ei viktig rolle i rådgiving omkring korleis arbeidsrelatert uheldig eksponering kan førebyggjast
• Den som blir tilsett må arbeide tett med både pasientar, bedrifter, ulike bedriftshelsetenester, forskningsmijø og offentlege styresmakter

Kvalifikasjonar
• Den som blir tilsett må vere sertifisert yrkeshygienikar, eller ha tilsvarande kompetanse slik som mastergrad, fortrinnsvis innan relevante fag (kjemi, biologi, fysikk)
• Den som blir tilsett må ha erfaring frå ulike bransjar i det norske næringslivet, først og fremst frå arbeid innan bedriftshelseteneste, arbeid ved regionale arbeidsmedisinske avdelingar eller særskilde kompetansemiljø i arbeidsmedisin
• Meistre norsk skriftleg og munnleg på B2 nivå eller tilsvarande
• Den som blir tilsett må ha gode kommunikasjonsevner og god evne til å formidle fagkunnskap
• Det vektleggjast personlege eigenskapar og ev erfaring frå prosjektarbeid/ forsking

Personlege eigenskapar
• Du har interesse og motivasjon for fagfeltet
• Du har gode samarbeids- og kommunikasjonsevner overfor pasientar, andre yrkesgrupper og samarbeidspartnarar, slik som bedriftshelsetenester
• Du har god fagleg vurderingsevne, og arbeider strukturert og målretta på jobb
• Du er systematisk, analytisk, nøyaktig og målretta
• Du er sjølvstendig, ansvarsmedvite, omgjengeleg og har ei positiv haldning til å tileigne deg og dele kunnskap

Vi tilbyr
• Eit stimulerande arbeidsmiljø med høg tverrfagleg kompetanse
• Utfordrande oppgåver med førebygging av arbeidsrelaterte helseplager som målsetjing
• Lønn og vilkår i samsvar med gjeldande overeinskomst
• Etter- og vidareutdanning av relevant karakter med årlege kursdagar

Vi oppmoder alle søkere til å benytte Vitnemålsportalen for å laste opp verifiserte vitnemål og karakterutskrifter, der det er mulig. Har du utdanning frå utlandet, legg ved godkjenning fra Direktoratet for høyere utdanning og kompetanse.

Kontaktinformasjon

Ole Jacob Torkildsen Møllerløkken, Seksjonsleiar, +47 97042384

Arbeidsstad

Haukelandsveien 22

5009 Bergen

Nøkkelinformasjon:

Arbeidsgivar: Helse Bergen HF

Referansenr.: 5060796848

Stillingsprosent: 100%

Fast

Søknadsfrist: 01.03.2026