Vårt behov
Frå og med 1. august 2026 har vi behov for å tilsetje ein lærar. Stillingsprosentbehovet er i utgangspunktet 100 %, men det kan også vere mogleg å få redusert stilling om ein ønsker det. Det er difor viktig at du i søknaden skisserer ønska stillingsprosent.

Det er ein fordel om du trivst i kontaktlærarrolla. Om ein ønsker lærarstilling hos oss, må ein altså vere komfortabel med ei slik rolle. Ein kan også rekne med å bli sett til å undervise for dei yngste og/eller dei eldste elevane våre.

Skriv gjerne i søknaden når du tidlegast kan starte opp hos oss. Vi har i utgangspunktet behov frå og med oppstart av planleggingsdagane våre i august, men det kan også vere mogleg å starte opp før sommarferien.

Om stillinga
Arbeidsoppgåver
Som lærar hos oss vil du mellom anna ha desse arbeidsoppgåvene og ansvara:
• Planlegge og gjennomføre variert undervisning i tråd med EnSpire-skulane sin læreplan
• Prosjektarbeid / tverrfagleg arbeid
• Samarbeide med føresette og andre tilsette
• Skape trivsel og bidra til eit trygt og godt klassemiljø og arbeidsmiljø for elevar og tilsette
• Kontaktlærar eller rolle innan spesialundervisning
• Vere delaktig i skulen si faglege utvikling

Vi tilbyr
Som tilsett hos oss vil du:
• vere ein del av eit profesjonsfellesskap av engasjerte og positive tilsette.
• få støtte og rettleiing frå leiing og andre tilsette ved behov.
• jobbe på ein skule som dyrkar det unike i kvar enkelt elev.
• ha lønns- og arbeidsvilkår jf. gjeldande lovverk og tariffavtalar.
• jobbe på ein skule som vektlegg fagleg utvikling hos tilsette, og som legg til rette for og oppfordrar til kompetanseheving, kurs og (vidare)utdanning.
• vere med på å utvikle skulen.

Personlege eigenskapar
Som tilsett hos oss forventar skulen at du:
• er løysingsorientert, fleksibel og samarbeidsvillig.
• har eit positivt elevsyn, som vil seie at du viser interesse for elevane og møter dei med forståing, respekt og bidrar til å inkludere og motivere alle elevane i undervisninga og/eller gruppa.
• har gode skriftlege og munnlege norskkunnskapar.
• er bevisst eigne haldningar, kroppsspråk og praksis.
• trygg og tydeleg klasseleiar, og som spør andre tilsette om hjelp og støtte ved behov.
• ønsker å løfte og utvikle alle elevane sine unike sider og styrker.

Kvalifikasjonar
Som tilsett som lærar hos oss ønsker vi at du:
• har godkjent lærarutdanning eller anna relevant pedagogisk utdanning, gjerne med fordjupning innan spesialpedagogikk.
• legg fram politiattest før tiltreding.

Det er ikkje offentlege søkarlister hos oss.

Vi ser fram til å høyre frå deg!

Kontakt
Om du lurer på noko, ta gjerne kontakt med dagleg leiar/rektor Martin Melbø via post@tresfjordenspire.no eller 404 07 752 (kontor) / 991 084 42 (mobil).

Postadresse: Postboks 1, 6391 Tresfjord

Besøksadresse: Neremsvegen 43, Tresfjord