Møre og Romsdal fylkeskommune har mange bruprosjekt i porteføljen dei komande åra. Alt frå mindre vedlikehaldsoppdrag til bygging av nye større bruer. Blant anna planlegg vi byggestart på ny Åndalsnes bru, Grytskog bru, Grøtta bru og Juvbrua dei komande åra. I tillegg er det mange spanande prosjekt i planleggingsfasen.
Til prosjektorganisasjonen søker vi ein byggeleiarar innanfor bruprosjekt. Du vil inngå i eit team med blant anna byggeleiarar, kontrollingeniørar og prosjekterande og rapporterer til prosjektleiar. Prosjektleiar vil styre på porteføljenivå og byggeleiarar følger opp enkeltprosjekt i prosjekterings- og utføringsfasen.

Du kan sjølv velje mellom kontorstad i Ålesund, Molde eller Kristiansund.
Du må rekne med ein del reising i heile fylket til dei ulike prosjekta og til dei ulike kontorstadane.

Fylkesvegavdelinga har eit stort, samla kompetansemiljø innan planlegging, bygging, drift, vedlikehald og forvaltning av fylkesvegane. Vegprosjektseksjonen har i dag 50 tilsette med kompetanse innanfor prosjektleiing, byggeleiing, HMS, økonomi og prosjektering. Inkludert i desse er byggherreorganisasjonane knytt til veginvesteringsprosjekt, Bypakke Ålesund, bygging av Nerlandsøybrua, tunneloppgradering og ei rekkje andre bruer og ferjekaier

Arbeidsoppgåver
- Styre eigne prosjekt med ulik størrelse og kompleksitet
- Følgje opp prosjekta gjennom alle fasar frå planlegging, prosjektering og anskaffing til gjennomføring og  overlevering.
- Ha ansvar for å levere prosjekta innafor definerte mål for HMS, ytre miljø, økonomi, framdrift og kvalitet.
- Rapportere til prosjektleiar og bistå prosjektleiar i styringa av prosjektporteføljen.
- Samarbeide med dei andre byggeleiarane og kontrollingeniørane i prosjektet og i avdelinga.
Kvalifikasjonar

Bachelor eller master i ingeniørfag. Teknisk fagskole med relevant erfaring kan kompensere for utdanningskravet.
- Erfaring frå teknisk og/eller økonomisk oppfølging av entreprenørar eller leverandørar er ønskeleg.
- Det er ønskeleg med god kjennskap til stål- og betongkonstruksjonar
- God kjennskap til digitale verktøy
- Førarkort klasse BPersonlege eigenskapar
- Vilje og evne til å samarbeide med og involvere interne og eksterne partar.
- Gode kommunikasjonsferdigheiter både munnleg og skriftleg
- Du er utviklings- og løysingsorientert
- Arbeide nøyaktig og målretta
- Sjå behov og ta ansvarVi tilbyr
- Ei utfordrande stilling i eit godt arbeidsmiljø kjenneteikna av stor profesjonalitet og sterke fagmiljø
- God tilgang til faglege nettverk og fagleg utvikling
- Offentleg pensjonsordning, gruppelivs- og ulykkesforsikring
- Løn etter avtaleKontaktinformasjon

Torbjørn Vatnehol, Prosjektsjef, 97714119, torbjorn.vatnehol@mrfylke.no

Hallvard Rangnes, Prosjektleder prosjekt bru, 91700579, hallvard.rangnes@mrfylke.no

Arbeidsstad

Julsundvegen 9

6412 MOLDE

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5074786879

Stillingsprosent: 100%

Fast

Søknadsfrist: 26.02.2026