Har du lyst på nye utfordringar?Dialyseavdelinga i Ålesund har ledig vikariat og vi søkjer deg som er sjukepleiar, som kunne tenke deg å jobbe med pasientar med akutt og kroniske nyrelidingar og oppfølginga av desse. Vikariata inneber arbeid i vår hemodialyseavdeling og ikkje i poliklinikkarbeid.

Vi har ledig to 80% vikariat frå snarast eller etter avtale, med varigheit til september 2027.

Dialysen i Ålesund behandlar pasientar med kronisk og akutt nyresjukdom. Vi har eit sterkt fagleg miljø med pasienten i fokus. I tilknytning til vår avdeling har vi peritonealdialyseeining, satelittdialysestasjon ved Volda sjukehus, nyrepoliklinikk, nyreskule og oppfølging av transplanterte pasientar. Vi er ei dagavdeling som for tida er i drift 6 dagar i veka, frå mandag til og med lørdag.

Stillinga inneber også f.t. arbeid kvar 3.helg og telefonberedskap i turnus. Interne omrokkeringar kan gi andre ledige vikariat. 

Vi håpar at akkurat DU vil bli med i vårt fine dialyseteam!

Ta gjerne kontakt om du har spørsmål om stillingane. Vi ber om at attestar og vitnemål vert scanna og lasta opp som vedlegg til din CV.     

Arbeidsoppgåver
• Utøve sjukepleie til pasientar med kronisk og akutt nyresvikt
• Bidra med fagleg kartlegging, observasjon, tiltak og oppfølging gjennom heile pasientforløpet
• Vere ein aktiv deltakar i det tverrfaglege teamet kring pasientane
• Følgje opp medisinske forordningar
• Kunne observere, handtere og setje igang strakstiltak ved akutte hendingar
• Motivere og leggje til rette for at pasienten skal auke sin mestrings-og funksjonsevne
• Sikre god samhandling med kommunane og andre samarbeidande instansar
• Halde seg fagleg oppdatert, samt vere aktiv i utviklingsarbeid både fagleg og i arbeidsmiljøet
• Vere framtidsretta og ha god evne til endring og omstilling

Kvalifikasjonar
• Norsk autorisasjon som sjukepleiar
• Ønskeleg med erfaring fra arbeid med pasienter med kroniske nyrelidingar
• Sjukepleiar med dialyseerfaring og/eller vidareutdanning innan dialyse kan verte prioritert
• Ønskeleg med kjennskap til dokumentasjonssystem, god IKT kunnskap, gjerne erfaring med Helseplattformen

Personlege eigenskapar
• Positiv og initiativrik
• Godt humør
• Svært god kommunikasjonsevne, både skriftleg og munnleg
• Fleksibel og resultatorientert
• Fagleg sterk og teknisk anlagt
• Gode datakunnskaper
• Pasientfokusert
• Evne til å samarbeid med andre samt å jobbe sjølvstendig
• Kunne medverke til det gode arbeidsmiljøet

Vi tilbyr
• Sterkt tverrfagleg samarbeid
• Ein inkluderande  og positiv arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår
• Eit solid og godt fagmiljø
• Ein arbeidsplass med fokus på nærvær og trivsel
• Gunstig turnus med helsefremjande vaktordning

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir her!Kontaktinformasjon

Lise Grytten Blindheim, Seksjonsleiar, 70 10 63 15, Lise.Grytten@helse-mr.no

Arbeidssted

Åsehaugen 5

6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5071027459

Stillingsprosent: 80%

Vikariat

Søknadsfrist: 18.02.2026