Dette er NTNU

NTNU er eit breiddeuniversitet med ein teknisk-naturvitskapleg hovudprofil og eit tyngdepunkt innan profesjonsutdanning. Universitetet er lokalisert i tre byar med hovudsete i Trondheim.

Ved NTNU jobbar 9 000 tilsette og 43 000 studentar med å skape kunnskap for ei betre verd. 

NTNU i Ålesund består av fem institutt og har fagleg hovudprofil innanfor hav, helse, teknologi og internasjonal business.

Video: https://youtu.be/Xt-yHCN5QS0Om stillinga

Avdeling for forskning, innovasjon og eksterne relasjoner (FIE) er ei eining i NTNUs Fellesadministrasjon og bidreg til å realisere NTNUs strategi og utviklingsavtale med Kunnskapsdepartementet, initierer og følgjer opp strategiar og beslutningar, og tilrettelegg og koordinerar forskings- og innovasjonsstøtte. Vidare har FIE ansvar for å koordinere samarbeid med arbeidslivspartnarar. Avdelinga har tett samhandling med fakulteta og fellesadministrasjonen i å tilby og utvikle gode støttetenester for forsking og innovasjon. 

Avdeling for forskning, innovasjon og eksterne relasjoner har no ledig midlertidig prosjektstilling innan studentinnovasjon, med arbeidsstad Campus Ålesund. Vi er på jakt etter ein operativ ressurs som kan arbeide tett på tilsette og studentar for å etablere ei robust ramme for studentinnovasjon ved NTNU i Ålesund. Til stillinga ligg ansvar for å initiere og koordinere studentinnovasjonsaktivitet i samarbeid med tilsette, studentorganisasjonar og eksterne samarbeidspartnarar. Studentinnovasjonsaktiviteten skal i størst mogleg grad vere driven av studentane, og den som vert tilsett skal legge til rette for kontinuitet og stabil drift. Saman med fagmiljøa vil den som vert tilsett, også koordinere aktivitetar knytt til innovasjon og entreprenørskap i utdanningsprogramma. Prosjektstillinga har ei varigheit på 2 år.

Næraste leiar er avdelingsdirektør ved avdeling for forskning, innovasjon og eksterne relasjoner, og du vil samarbeide tett med viserektor ved NTNU i Ålesund.

Arbeidsoppgåver
• bidra til å etablere ein robust struktur for studentinnovasjon ved NTNU i Ålesund som bygger opp under NTNUs mål og strategiar
• skape aktivitet og støtte opp under studentinnovasjon ved NTNU i Ålesund
• koordinere og samarbeide med studentar, tilsette og eksterne samarbeidspartnarar om ulike satsingar og arrangement på campus
• vere kontaktperson for studentorganisasjonane som driv med studentinnovasjon og støtte dei i å nå sine mål
• eventuelt andre oppgaver innanfor verksemda sine behov

Kvalifikasjonskrav
• høgare utdanning tilsvarande mastergrad. Relevant erfaring kan kompensere for utdanningskravet
• erfaring frå organisasjonsarbeid
• gode kommunikasjons- og samarbeidsferdigheiter
• god munnleg og skriftleg framstillingsevne på norsk og engelsk

Ynskja kvalifikasjonar
• kjennskap til UH-sektoren 
• kjennskap til innovative økosystem 
• erfaring frå arbeid innan studentfrivilligheit 
• erfaring frå koordineringsarbeid og arrangement 

Personlege eigenskapar 
• proaktiv og initiativrik
• svært god samarbeids- og relasjonskompetanse
• evne til å arbeide strukturert og sjølvstendig
• fleksibel, løysnings- og serviceorientert

Ved vurdering av den best kvalifiserte, legg vi vekt på utdanning, erfaring og personleg eignaheit, samt din motivasjon for stillinga.

Vi tilbyr 
• spanande og utviklande oppgåver i eit sterkt og internasjonalt fagmiljø
• ope og inkluderande arbeidsmiljø med engasjerte kollegaer
• gunstige vilkår i Statens pensjonskasse
• tilsettgoder og fordelar

Løn og vilkår 

I stillinga som rådgjevar (kode 1434) vil du normalt lønast frå brutto kr 570 000 - 670 000 pr. år avhengig av kvalifikasjonar og ansiennitet. Frå løna blir det trekt 2 % lovfesta innskot til Statens pensjonskasse.

Tilsetjinga blir gjennomført etter prinsipp i statsansatteloven, og lovverk som regulerer eksport av kunnskap, teknologi og tenester. Etter tilsetjinga må du rekne med at det kan oppstå endringar i arbeidsoppgåver.

Om søknaden

Vi gjer merksam på at søknaden blir vurdert ut frå informasjonen som føreligg ved søknadsfrist. Sørg difor for at søknaden din tydeleg syner korleis evnar og erfaringar fyller kriteria som er beskrive.

Søknaden må innehalde:
• CV, attestar og vitnemål
• namn og kontaktinformasjon til minimum to relevante referansar

Dersom heile eller delar av utdanninga di er gjennomført i utlandet, ber vi deg i tillegg legge ved dokumentasjon på omfang og kvalitet for heile utdanningsløpet ditt, både bachelor- og masterutdanning, i tillegg til anna høgare utdanning. Skildring av kva dokumentasjon som er naudsynt finn du her. Dersom du allereie har ei utsegn frå HK-dir, så legg ved den også.

Generell informasjon 

Inkludering og mangfald er ein styrkje. Vi ynskjer at våre tilsette skal spegle befolkninga, og søkjer til ei kvar tid dei beste kandidatane. Dette gir NTNU auka produktivitet, innovasjon, betre avgjerdsprosessar, auka medarbeidartilfredsheit og det konkurransefortrinnet vi treng for å gjennomføre samfunnsoppdraget vårt innan forsking og utdanning. 
NTNU legg vekt på tilrettelegging og oppfordrar deg som kvalifisert kandidat til å søkje uavhengig av kjønn, funksjonsevne, hol i CV eller kulturell bakgrunn. 

Som tilsett ved NTNU må du til ei kvar tid rette deg etter endringar som utvikling i fag medfører, og dei organisatoriske endringane som blir vedtekne.

Offentleg søkjarliste med namn, alder, stillingstittel og bustadkommune blir utarbeidd etter utløp av søknadsfristen. Dersom du ynskjer å reservere deg frå oppføring på offentleg søkjarliste må dette grunngjevast. Vurdering vil bli gjort i samsvar med gjeldande lovverk. Du vil bli varsla om reservasjon ikkje blir teken til følgje.

Viss du har spørsmål om stillinga kan du ta kontakt med avdelingsdirektør Rannveig Tellemand Storeng, tlf. 90 18 04 12.

Syns du dette ser interessant ut, og i samsvar med kvalifikasjonane dine, send oss søknaden din digitalt via jobbnorge.no med CV, vitnemål og attestar vedlagt. Ved førespurnad må du kunne legge fram rett kopi av dokumentasjonen din.

 Søknadsfrist: 19.02.2026