Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgASeniorrådgivar 

Ved HR-avdelinga er det ledig ei fast stilling som seniorrådgjevar/jurist.

Stillinga er lagt til Seksjon for arbeidsgjevarpolitikk og strategi. Seksjonen har det overordna og koordinerande ansvaret for å utvikle og følgje opp strategi, politikk og reglar knytt til UiBs arbeidsgjevarpolitikk og -praksis.

Avdelinga støtter og rådgjer universitetet sine leiarar og tilsette i HR- og organisasjonsfaglege spørsmål. Ved sida av arbeidsgjevarpolitikk, har avdelinga mellom anna ansvar for leiar- og organisasjonsutvikling, sakshandsaming og leiarstøtte på personalfeltet, sikring og utvikling av arbeidsmiljøet og dokumenthandsaming. 

Hovudoppgåvene i stillinga vil vere knytt til arbeidsrettsfeltet i ei statleg verksemd innanfor universitets- og høgskulesektoren. Det omfattar arbeid med både individuell og kollektiv arbeidsrett, her under å vere arbeidsgjevarrepresentant i lønsforhandlinger og i øvrig partssamarbeid med arbeidstakarorganisasjonane.

Du vil jobbe saman med fleire juristar og andre røynde medarbeidarar i eit miljø med brei HR-fagleg kompetanse. Du vil få varierte oppgåver og gode moglegheiter til å bidra i utviklinga av heile HR-feltet.

Arbeidsoppgåver:
• Rådgjeving og sakshandsaming innan det arbeidsrettslege området, til dømes personal- og varslingssaker
• Leiarstøtte i prosessar og i enkeltsaker
• Arbeidsoppgåver knytt til kollektiv arbeidsrett/tariffavtalar
• Utvikling og vedlikehald av avtalar, rutinar og retningsliner
• Utgreiingsoppgåver og høyringsfråsegn
• Oppgåver retta mot internasjonale arbeidsforhold
• Nye oppgåver kan kome til

Kvalifikasjonar og eigenskapar:
• Masterutdanning i rettsvitskap
• Relevant arbeidserfaring, gjerne frå større verksemder 
• Initiativrik, med evne til å setje seg raskt inn i nye problemstillinger
• Evne til å arbeide sjølvstendig og i samarbeid med andre
• Strukturert, ansvarleg og i stand til å handtere fleire prosessar samtidig
• God munnleg og skriftleg framstillingsevne

Vi kan tilby:
• Spennande og utviklande arbeidsoppgåver i et sterkt fagmiljø
• Stilling som seniorrådgjevar (kode 1364) i årsløn kr. 850 000  - 900 000  i det statlege lønsregulativet, avhengig av tenesteansiennitet og kvalifikasjonar. For særleg kvalifiserte søkjarar kan det vere aktuelt å vurdere høgare løn
• Fleksibel arbeidstid og mogligheit for heimekontor inntil to dagar i veka
• Medlemsskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: seksjonssjef Jan Frode Knarvik, tlf.: 47272951

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.