Om stillinga

Omsorg pluss i Vaksdal kommune har ledig 60 % fast stilling i todelt turnus med arbeid kvar 3. helg. Moglegheit for høgare stillingsprosent i kombinasjon med heimesjukepleien. 

Vi arbeider personsentert og har fokus på å gi omsorg med respekt, fagleg kvalitet og menneskeleg varme. 

Omsorg pluss er eit tenestetilbod som ligg i trinnet mellom tilbod i ordinær omsorgsbustad og institusjon i innsatstrappa. Det vil seie at personar som får tildelt bustad i omsorg pluss-tiltak, har i utgangspunktet eit for stort omsorgsbehov til at heimetenesta klarer å gi eit forsvarleg omsorgstilbod i heimen og for lite omsorgsbehov for langtidsplass i institusjon. Avdelinga har 5 plassar og er bemanna med faste tilsette på dag- og kveldstid. Her disponerer brukarane eiga leilegheit med stove, soverom, kjøkken og bad. I tillegg kan dei nytte seg av fellesareal, måltid og aktivitetar saman med dei andre bebuarane.

Arbeidsoppgåver vil mellom anna vere
• Oppfølging av pasientar med stell og pleie
• Hjelp til daglege gjeremål 
• Medisinhandsaming 
• Medisinsk oppfølging ut frå kompetansenivå 
• Kontakt og samarbeid med pårørande 

Krav til kompetanse
• Helsefagarbeidar, eller anna relevant fagbrev 
• Krav om godkjend politiattest 
• God framstillingsevne, både munnleg og skriftleg på norsk

Personlege eigenskapar
• Du likar å arbeide sjølvstendig og å ta ansvar på vakter 
• Du har gode kommunikasjonsferdigheiter og samarbeider godt i eit tverrfagleg miljø. 
• Du evnar å sjå samanhengar og bidra til heilskapleg tenking på tvers av avdelingar og arbeidsområde 
• Du er fagleg trygg, modig og raus - og evnar å gjere tenesta, tilsette og brukarar gode 
• Du er påliteleg, stabil og løysingsorientert, med stor evne til gjennomføring

Personlege eigenskapar vert vektlagt.

Vaksdal kommune kan tilby
• Eit godt arbeidsmiljø, dyktige folk i tenesta og gode ordningar for vidareutdanning og kompetanseheving 
• Hos oss får du faglege og personlege utfordringar, og du får moglegheit til å utvikle deg saman med oss 
• Gode pensjons- og forsikringsordningar 
• Individuell oppfølging 
• Løn i tråd med tariffavtale og kompetansetillegg