Er du på jakt etter ei meiningsfull helgestilling?

Me søkjer engasjerte medarbeidarar til fleire ledige helgestillingar i våre trivelege bufellesskap i Vågsmarka og på Haugen.

I bufellesskapa bur det menneske med ulike tenestebehov. Me gjev individuell oppfølging av enkeltbebuarar gjennom hjelp og bistand, slik at kvar enkelt kan bu trygt og godt i eigen bustad.. Det er stor variasjon i interessar, og me arbeider for å skapa ein god kvardag for alle. Samstundes legg me til rette for felles aktivitetar som styrkjer samhald og trivsel.

Stillingane har ein storleik på 13,3–13,6 %, med arbeid i snitt kvar tredje helg i ein kombinasjon av sein- og tidlegvakter.

Student? Då har me ekstra gode nyheiter for deg! 
Tysnes kommune tilbyr ei eiga studentavtale som gjev deg moglegheit til å kombinere studiar med relevant arbeid og økonomisk støtte. Me har ei stipendordning som kan gje deg ekstra støtte i studietida - du kan lese meir om avtalen på heimesida vår. 

I tillegg har me ein eigen lønsstige for studentar som studerer ved høgskule eller universitet innan fagområde som er relevante for stillinga. For helse- og omsorgstenesta gjeld dette til dømes for studentar innan sjukepleie, vernepleie, ergoterapi eller medisin. Lønsstigen er aktuell for deg som kan dokumentere at du har fullført minst eitt år av studiet.

For å søkje må du har fylt 18 år. Tilsetjing skjer fortløpande, og aktuelle kandidatar vil bli kalla inn til intervju. 

Me ber om at attestar og vitnemål vert lasta opp ved innsending av søknaden. 

Arbeidsoppgåver
• Motivera og støtta bebuarane i ulike aktivitetar for å fremje trivsel og meistring.
• Følgje opp daglege rutinar i avdelingane for å sikre ein stabil og trygg kvardag.
• Bidra til den daglege drifta gjennom praktiske oppgåver i leilegheiter og fellesområde.
• Skape eit godt arbeidsmiljø gjennom samarbeid og positivt samspel med kollegaer.
• Andre oppgåver kan bli inkluderte i stillinga etter behov. 

Kvalifikasjonskrav

Me ser etter medarbeidarar med helsefagleg utdanning, for eksempel som:
• Vernepleiar
• Helsefagarbeidar/hjelpepleiar
• Studentar innan relevante studieforløp (helsefagarbeid, vernepleie, sjukepleie)

Personar utan formell kompetanse kan bli vurdert opp mot personlege eigenskapar og erfaring.

Ønskjelege kvalifikasjonar: 
• Erfaring og kjennskap med brukargruppa er ein fordel 
• Førarkort klasse B 

Felles for stillingane er at det er krav om gode norskkunnskapar, både munnleg og skriftleg.

Ved ei eventuell tilsetjing må du leggja fram:
• Politiattest (ikkje eldre enn 3 månader), jf. helse- og omsorgstenestelova § 5-4.
• Eigenerklæringsskjema for MRSA og tuberkulose.

Personlege eigenskapar

Me ser etter deg som:
• har gode kommunikasjon- og samhandlingsevner.
• er fleksibel, initativrik og oppteken av å bidra til godt samarbeid med bebuarar, kollegaer og pårørande.
• blir motivert av å yta gode tenester til bebuarane våre, og kan vera med å gje dei ein stabil og god kvardag.
• trivast med utfordringar, og er løysingsfokusert.
• ønskjer å bidra til eit positivt og godt arbeidsmiljø.

Personlege eigenskapar vert tillagt stor vekt ved tilsetjing.

Kvifor skal du jobba hos oss?

Blir du motivert av å jobba på ein arbeidsplass der me saman skal gje gode tenestetilbod og verdige rammer for våre bebuarar? Då trur me du vil trivast hos oss! Hos oss blir du ein del av ei personalgruppe med høgt fagleg fokus. Du du vil få god opplæring med fokus på fagleg kvalitet. Du vil også få ein variert, engasjerande og lærerik arbeidskvardag i eit positivt og stabilt arbeidsmiljø.

Tysnes kommune tilbyr gode pensjonsordningar gjennom KLP, og løn vert gitt i samsvar med gjeldande hovudtariffavtale.

Er du student? 
Då har me eigne ordningar som kan gje deg både økonomisk støtte og gunstige lønsvilkår - du kan lese meir om avtalen på heimesida vår. 

Mangfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.