Bjørgvin Distrikspsykiatriske senter (DPS) er ein del av Divisjon psykisk helsevern i Helse Bergen. Klinikken gir psykiatriske spesialisthelsetenester til innbyggjarane i kommunane Alver, Austrheim, Fedje, Gulen, Masfjorden, Modalen og Osterøy og i tillegg bydelane Arna og Åsane i Bergen kommune. Samla har klinikken eit opptaksområde med om lag 80 000 innbyggjarar over 18 år. Klinikken er lokalisert på Tertnes i Åsane og i Knarvik i Alver kommune. Døgntilbodet er lokalisert på Tertnes, medan polikliniske tenester blir gitt både i Knarvik og på Tertnes. Klinikken omfattar fagområda psykose og allmennpsykiatri.

Bjørgvin DPS sine kjerneoppgåver er:
Spesialisert utgreiing og differensiert behandling
Opplæring av pasientar og pårørande
Rettleiing til den kommunale psykiske helsetenesta
Forsking, kvalitetsutvikling og utdanning av helsepersonell

Vi søker no etter ein engasjert og erfaren spesialvernepleiar i 100% som ønsker å jobbe i psykosepoliklinikken/psykoseteam Knarvik og vere med på å utvikle vårt behandlingstilbod til pasientar med psykose og ruslidingar. 

Bjørgvin psykosepoliklinikk/FACT team/psykoseteam Knarvik:
Teamet er breitt, tverrfagleg samansett med overlegar, psykologspesialistar, psykologar, sosionomar, IPS-konsulentar, spesialsjukepleiarar, spesialvernepleiarar, musikkterapeut, ergoterapeut, fysioterapeut og erfaringskonsulent. Totalt er der 20 årsverk i poliklinikken/ FACT /psykoseteam Knarvik
Seksjonen har pasientar i frivillig vern, pasientar som er under tvungent psykisk helsevern og pasientar som er domfelte under tvungent psykisk helsevern. Poliklinikken /FACT /psykoseteam Knarvik har totalt ca. 200 pasientar i behandling, og er lokalisert på Tertnes og i Knarvik/Helsehuset.

Målgruppa er menneske med samansette vanskar med psykose og ruslidingar. Mange av dei har behov for langvarig oppfølging, samansette og koordinerte tenester. Vi har mykje samarbeid med kommunehelsetenesta i dei enkelte pasientforløpa. Arbeidsoppgåvene er mellom anna oppfølging og behandling av pasientar i tverrfagleg team, utarbeide og følge opp behandlingsplanar, handtering av legemiddel, oppfølging av tvungent psykisk helsevern saman med spesialistane, samarbeide med andre tenester i spesialisthelseteneste og kommune. Vi ynskjer å utvikle og tilby eit godt og heilskapleg behandlingstilbod for målgruppa. 

Arbeidsoppgåver
• Ambulant og poliklinisk oppfølging og behandling av pasientar 
• Tverrfagleg arbeid i team
• Samarbeid med andre i spesialisthelsetenesta og ulike kommunale tjenester
• Medisinering, legemiddelhandtering inkl. depotinjeksjonar
• Oppfølging av pasienter på tvungent psykisk helsevern
• Rettleiing til kommunehelsetjenesten

Kvalifikasjonar
• Bør ha relevant erfaring, kunnskap og praksis både fra psykisk helsearbeid i kommune og spesialisthelseteneste
• Norsk autorisasjon og vidareutdanning i psykisk helsearbeid eller tilsvarande relevant vidareutdanning
• Ønskeleg med erfaring frå oppsøkande/ambulant arbeid
• Ønskeleg med erfaring med arbeid psykose og ruslidingar 

Personlege eigenskapar
• Du må kunne arbeide godt både sjølvstendig og i team
• Du tilpassar deg lett og er løysingsorientert og fleksibel
• Du arbeider målretta og toler å stå i krevjande situasjonar
• Du er tolmodig, nysgjerrig og uthaldande i krevande og komplekse saker
• Du ønsker å jobbe i eit tverrfagleg team
• Du har auge for det beste for dei rundt deg, og bidrar til eit godt fagleg og sosialt felleskap

Vi tilbyr
• Ein spennande og utfordrande jobb
• Lønn i samsvar med gjeldande overeinskomst
• Eit aktivt og triveleg arbeidsmiljø
• Fagleg utvikling gjennom varierande arbeidsoppgåver og opplæring
• Felles rettleiling i team, og rom for etisk refleksjon
• Arbeid på dagtid

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Wenny Karin Bernes, Seksjonsleiar, 90980134

Arbeidsstad

Kvassnesvegen 40

5914 Isdalstø

Nøkkelinformasjon:

Arbeidsgivar: Helse Bergen HF

Referansenr.: 5013190362

Stillingsprosent: 100%

Fast

Søknadsfrist: 19.10.2025