Vi har no ledig 1 fast stilling og eit årsvikariat for psykologspesialist/psykolog ved poliklinikk BUP Volda.
Vikariatet kan etterkvart verte omgjort til ei fast stilling. Oppstartdato etter avtale med seksjonsleiar.

I Helse Møre og Romsdal HF er psykisk helsevern for barn og unge samansett av poliklinikkane i Kristiansund, Molde, Ålesund og Volda (BUP) samt ein døgnseksjon.
Poliklinikken i Volda har eit godt arbeidsmiljø med spanande arbeidsoppgåver. Vi tilbyd differensiert poliklinisk utgreiing- og behandlingstilbod til barn, unge og familiar i 7 kommunar på Sunnmøre.

Personalgruppa vår er sett saman av personar frå ulike yrkesgrupper som er organisert i tverrfaglege team. I tillegg har vi akutt ambulant team, spiseteam, traumeteam og familieteam. Vi gir tilbod om pasient- og pårørandeopplæring. Vi legg vekt på godt samarbeid med andre helsetenester, både i kommunane og i andre delar av spesialisthelsetenesta.

Vi ynskjer å kunne tilby psykologane våre ein god balanse med høve til fagleg fordjuping og det å etablere eit breitt erfaringsgrunnlag. Psykologane våre får tett og god rettleiing av psykologspesialist i seksjonen. Vi sørger for at psykologane får dei kurs dei treng. Skulle du ha planar om faglege utviklingsprosjekt eller forsking, kan det vere høve til å utvikle dette i samarbeid med fagpersonar med forskingsbakgrunn i seksjonen vår, eller eventuelt saman med samarbeidspartnerar vi har innan forsking og fagutvikling.

Arbeidsoppgåver
• Poliklinisk utgreiing og behandling av barn og unge med ulike psykiske lidingar
• Rettleiing og konsultasjon til foreldre, skule og nettverk
• Deltaking i samarbeidsfora rundt pasientar

Kvalifikasjonar
• Norsk lisens/autorisasjon som psykolog
• Psykolog med fullført spesialisering innan relevant fagområde (barn og ungdom, eller voksenpsykiatri). Psykologar som ikkje har fullført spesialisering kan og søke
• Relevant erfaring
• Gode norskkunnskapar, både munnleg og skriftleg
• Politiattest må leggast fram før tilsetting

Personlege eigenskapar
• Du har gode samarbeids- og kommunikasjonsevner
• Du har interesse for fagutvikling og engasjement for utvikling av eigen arbeidsplass
• Du arbeider sjølvstendig, strukturert og målretta
• Du har evne til å skape trivsel i ein travel arbeidskvardag
• Du har gode ferdigheiter i organisering av eige arbeid
• Å vere personleg eigna vert vektlagt ved tilsetting.

Vi tilbyr
• Sterkt tverrfagleg samarbeid
• Tilrettelegging for for spesialisering og fagleg utvikling
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din. 

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her.Kontaktinformasjon

Kari Standal, Seksjonsleiar, +47 70058570, kari.standal@helse-mr.no

Arbeidsstad

Kløvertunvegen 1

6103 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 5069359840

Stillingsprosent: 100%

Fast

Søknadsfrist: 13.02.2026