Patentstyret er Noregs største kompetansesenter for immaterielle rettar. Vi er ein miljøfyrtårnsertifisert organisasjon med om lag 260 dyktige medarbeidarar. Vi held til i nye, flotte lokale på Valle i Hovinbyen.

Patentstyret hjelper næringslivet med å sikre verdiane som blir skapte gjennom nye produkt, innovasjon, forsking og utvikling.

Patentavdelinga består av om lag 100 medarbeidarar, og Patentjuridisk er ei av fleire seksjonar i avdelinga. I Patentjuridisk er vi fire juristar som bidreg til å sikre gode og riktige avgjerder om patent. No søkjer vi ein ny jurist. Er det kanskje deg vi ser etter?

Gjennom fagkunnskap om immaterielle rettar, engasjement og ei løysingsorientert haldning skal du bidra til at Patentstyret leverer juridiske avgjerder og tenester av høg kvalitet til kundane våre.

Arbeidsoppgåver

Som jurist i Patentavdelinga kjem du til å hjelpe kundar og saksbehandlarar i Patentstyret med juridiske spørsmål. Du kjem til å arbeide med både patentrett, forvaltingsrett og arbeidstakaroppfinningar, samt vere innom opphavsrett og andre tilgrensande rettsområde.

Du vil greie ut og løyse små og store juridiske problemstillingar, ta avgjerder knytt til praksisen i Patentstyret, halde opplæring og førelesingar internt og eksternt, samt utføre noko saksbehandling.

I tillegg får du høve til å bidra ved endringar i lover og forskrifter, og du vil kunne få moglegheit til å delta i internasjonalt arbeid. Du kjem til å samarbeide tett med kollegaene i seksjonen din, andre juridiske fagmiljø og profesjonar internt.

Kvalifikasjonar

Du må ha juridisk embetseksamen eller mastergrad i rettsvitskap. Det er ein fordel om du har kjennskap til immaterielle rettar og forvaltningsrett, og du må vere god i norsk og engelsk, både skriftleg og munnleg.Personlege eigenskapar
• Du er engasjert, motivert og likar å ta avgjerder.
• Du har stor interesse for immaterielle rettar, og synest dette er eit spennande og viktig fagområde.
• Du har gode samarbeidsevner og kommuniserer godt.
• Du er fleksibel og tek på deg oppgåver der behovet er størst.
• Du har ambisjonar både på vegner av Patentstyret og deg sjølv, og opptrer kompetent, etterretteleg og med høg integritet.
• Du ser nye moglegheiter ved bruk av digitale løysingar i forvaltninga av oppgåvene våre.
• Du likar å halde presentasjonar og førelesingar.

Patentstyret ønskjer at alle tilsette kjenner til og handlar i tråd med verdiane våre: truverdig, kunderetta, engasjert og løysingsorientert.

Vi legg stor vekt på personlege eigenskapar i denne stillinga.

Vi tilbyr
• spennande arbeidsoppgåver og Noregs største juridiske fagmiljø innanfor immaterialrett
• fleksibel arbeidstid, sommartid og god ordning for heimekontor
• eit godt og sosialt arbeidsmiljø som verdset mangfald
• ein variert og fleksibel arbeidskvardag der du i stor grad kan påverke og ta ansvar
• gode moglegheiter for fagleg og personleg utvikling i eit miljø med dyktige kollegaer
• god pensjonsordning og moglegheit for lån i Statens pensjonskasse
• gode velferdsordningar som trening i arbeidstida, treningsrom og rabattert kantine
• nye og flotte lokale i dei øvste etasjane på Valle Vision ved Helsfyr

Vi kunngjer stillinga som rådgjevar/seniorrådgjevar i lønnsspenn frå kr 630 000 til kr 930 000 per år. For særleg kvalifiserte søkjarar kan vi vurdere høgare løn.
 
Til informasjon:
 
Eit godt arbeidsmiljø er prega av mangfald, og vi oppmodar alle kvalifiserte til å søkje. Dersom vi får kvalifiserte søkjarar med funksjonsnedsetjing, opphald i CV-en eller innvandrarbakgrunn, vil vi kalle inn minst éin kvalifisert søkjar frå kvar av desse gruppene til intervju. For å bli vurdert som søkjar i desse gruppene, må du oppfylle visse krav. Les meir om krava på Statens arbeidsgivarportal.
 
Vi legg til rette for gode arbeidsforhold for medarbeidarar med nedsett funksjonsevne.
 
Vi oppmodar deg til å krysse av i jobbportalen dersom du har funksjonsnedsetjing, opphald i CV-en eller innvandrarbakgrunn. 
 Denne informasjonen dannar grunnlag for anonymisert statistikk som alle statlege verksemder rapporterer i årsrapportane sine.

Kontaktinformasjon

Ingrid Mauritzen, Seksjonssjef, +47 22 38 74 90

Nøkkelinformasjon:

Arbeidsgiver: Patentstyret

Referansenr.: 5021194931

Stillingsprosent: 100%

Fast

Søknadsfrist: 26.10.2025